Natale di sangue
|
C'l artìcul chè 'l è scrit in
Miranduléś |
 Silent Night, Deadly Night
| ||
| Natale di sangue | ||
 Robert Brian Wilson in na figùra dal film | ||
| Nadâł ad sangṿ 1984 | ||
|---|---|---|
| Regìa: Charles E. Sellier Jr. | ||
| Scritōr: Paul Caimi • Michael Hickey | ||
| Atōr: Lilyan Chauvin • Toni Nero • Linnea Quigley Randy Stumpf • Robert Brian Wilson • Leo Geter Gilmer McCormick • Tara Buckman • Britt Leach Nancy Borgenicht • Will Hare • Charles Dierkop | ||
| Müsica: Perry Botkin | ||
| Léngua: Ingléś | ||
| Dürä dal film: 86 minüt | ||
| Nasiōṅ: Stat Unî | ||
Natale di sangue (Nadâł ad sangṿ) 'l è 'n film ad scarésa americàṅ dal 1984 ad Charles E. Sellier Jr.. 'L è stâ girâ in dal stat dal Utah, a Heber City e a Salt Lake City.
'L à fat sù dū migliòṅ e mèś ad dòlar a 'l incìrca, esénd-an custâ òṅ, e al gh'à abû quàtar séguit e 'n arfacimènt. In Itàglia 'l è cgnusû anc c'n al tìtul ad „Silent Night“.
Sunt
'L è la vigìglia 'd Nadâł e 'l pìcul Billy Chapman (Danny Wagner) al pasa na nòt d'arbgàt quànd un rapinadōr vistî da Pàdar Nadâł al férma la sò màchina lung la via e al gh cópa i sò genitōr, James (Geoff Hansen) e la Sally (Tara Buckman), lasànd-al da par lò c'n al sò fradlèṅ, Ricky (Max Broadhead). I dū baghét i finìs'n in 'n urfanutròfi dal sōri, al Saint Mary. Billy 'l è armàś traumatiśâ e al fà di diségn cun di masamènt a òpra ad Pàdar Nadâł e la Màdar Superiōra (Lilyan Chauvin) la gh siga adrē, la 'l liga a lèt e la dróa la sìngia par punìr-al, sōl la sōra Margareth (Gilmer McCormick) l'è bòna sèg.
Dvintâ più grand, Billy (Robert Brian Wilson) al cata lavōr in dal negòsi ad śugàtui dal sgnōr Sims (Britt Leach) e al cgnós na cumésa ch'a gh piàś dimóndi, la Pamela (Toni Nero), e 'n cap repârt minga tant gustóś, Andy (Randy Stumpf). Custrét a métar-'s adòs al custùm ad Pàdar Nadâł par far cuntènt chi putèṅ, Billy al pèrd la tèsta quànd al véd la Pamela e Andy lugàr-'s in un cantòṅ par far dal purcarìi. Cuma 'l à sèmpar dit sò nunòṅ (Will Hare), Pàdar Nadâł al pòrta i rìgai sōl a la gint bòna ma a qvéi catìṿ a gh la fà pagàr e anc dimóndi. Billy, persuàś 'd èsar dabòṅ Pàdar Nadâł, al masa òṅ adrē a c'l àtar Andy, la Pamela, al sgnōr Sims e par finìr cl'atra cumésa, la sgnōra Randall (Nancy Borgenicht), pò al tōś na manàra p'r andàr a mét'r a pòst la gint dal paéś ch'la fà a l'arvèrsa. Al taca cun la Denise (Linnea Quigley), una ch'la pénsa sōl a gusàr a la vigìglia.