Nataša Zvereva

Da Wikipedia.
C'l artìcul chè 'l è scrit in Miranduléś Emiliàn
La Nataša Zvereva in dal 2010


La Natal’ja Maratovna “Nataša” Zvereva (Minsk, 16 'd Avrìl dal 1971, Наталья Маратовна Зверева in Rus) l'è stada na tenìsta dla Rùsia Biànca (e prima dl'Ugnòṅ Suviètica).

L'è cgnusùda specialmènt p'r èsar stada na śugadōra ad dópi dimóndi fòrta, avénd purtâ a cà in dla sò caréra, insém a la cumpàgna Gigi Fernández, daśdòt tìtui dal Gran Slam e utànta in tut (cun anc na mdaja ad brónś a gl'Ulimpìadi ad Barcelóna dal 1992).

Anc in singulàr l'à fat la sò part, cun quàtar turnèo vins ('l ùltim al 20 ad Śugn dal 1999 a Eastbourne, 0–6, 7–5, 6–3 a la francéśa Nathalie Tauziat) e na finàla dal Roland Garros pardùda in dal 1988 cóntar la tedésca Steffi Graf par 6-0 6-0.

L'à śmis ad śugàr in dal 2002.

Finàli in di Gran Slam

Turnéo An Vins/Pardû Aversàri in finàl Puntéǵ
Roland Garros 1988 P Steffi Graf 0-6, 0-6

Culegamènt estéran