My Beautiful Laundrette

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg My Beautiful Laundrette
My Beautiful Laundrette
My Beautiful Laundrette.png
Gordon Warnecke e Daniel Day-Lewis in na figùra dal film
La mè bèla bugadàra a getòṅ
1985
Regia: Stephen Frears
Scritùr: Hanif Kureishi
Atùr: Gordon WarneckeDaniel Day-Lewis
Saeed JaffreyRoshan SethShirley Anne Field
Müsica: Ludus Tonalis
Lengua: IngléśUrdu
Dürä dal film: 97 minüt
Nasiòṅ: Régn Unî


«
Gh'arî'v al curàǵ ad purtàr i vòstar pagn muśnènt a chi dū chè?»
(Tagline dal film)


My Beautiful Laundrette (La mè bèla bugadàra a getòṅ) l'è na cumèdia dramàtica dal 1985 ad Stephen Frears.

In dal 1999 al British Film Institute 'l à mis cla pelìcula chè a 'l 50śum pòst dla lista di sènt film britànic fat méj dal XX sécul.

Sunt

Omar Ali (Gordon Warnecke) 'l è 'n śōvan cun di urìgini pakistàni ch'al viṿ a sud ad Lóndra darènt a la stasiòṅ di trêṅ. Sò pàdar Hussein (Roshan Seth) dit Papa, na vòlta giurnalìsta ad sinìstra a Mumbai, 'l è 'n mèś imbariagòs e 'l è cóntar la pulìtica dal Régn Unî dla sgnōra Thatcher, méntar sò sîṅ, al fùrub Nasser Ali (Saeed Jaffrey), i bèsi al i à fat e al gh'à anc na fiōla in età da marè, la Tania (Rita Wolf), e n'amànta śōvna, la Rachel (Shirley Anne Field). Chi lò al tōś sò anvōd a lavuràr in dla sò lavandarìa pò, da 'l mumènt ch'al gh'à dla vója e dal bèli idéi, Omar al gh admànda ad psēr-la purtàr avànti lò.

Par far sù di bèsi al fà di lavursèṅ par 'n àtar pakistàn, Salim (Derrick Branche), cuma scarusàr dla dròga dla 'l aeropòrt e 'l sò quartēr. Al sò sòci in dla bugadàra a getòṅ 'l è sò vèć cumpàgn ad scóla e adès sò amànt, Johnny Burfoot (Daniel Day-Lewis), mémbar 'd un grup ad piaciadōr punk e rasìsta. Par la pòvra Tania (Rita Wolf), ch'l iva butâ 'l òć pròpria su sò cuśèṅ, 'l è 'n brut cōlp.

La bugadàra la gh'à sucès e Omar, ch'l arév vlû che sò fiōl al studìs, al gh'à da métar-'s al cōr in paś.

Culegamènt estéran