Murder Set Pieces
|
C'l artìcul chè 'l è scrit in
Miranduléś |
 Murder-Set-Pieces | ||
| Murder Set Pieces | ||
 Sven Garrett in na figùra dal film | ||
| Masamènt pianificâ 2004 | ||
|---|---|---|
| Regìa: Nick Palumbo | ||
| Scritōr: Nick Palumbo | ||
| Atōr: Sven Garrett • Valerie Baber • Tony Todd Gunnar Hansen • Jade Risser • Edwin Neal Cerina Vincent • Fred Vogel • Andrea Mitchell | ||
| Müsica: The Bronx Casket Co. • Eric Galligan The Giallos Flame • Necrophagia • Zombi | ||
| Léngua: Ingléś • Tedésc | ||
| Dürä dal film: 105 minüt | ||
| Nasiōṅ: Stat Unî | ||
Murder Set Pieces (Masamènt pianificâ) 'l è 'n film ad scarésa dal 2004 scrit, dirèt e prudót par Nick Palumbo.
'L è stâ girâ a Las Vegas c'n un budget stimâ 'd dū migliòṅ ad dòlar.
Sunt
[mudéfica la surzéia]La Charlotte (Valerie Baber) l'è na ragàsa americàna ch'la lavóra faghénd la paruchéra e la s è misa da pôc c'n un tedésc futógrafar ad dóni nudi (Sven Garret) ch'al pasa dimóndi tèmp a far i pēś p'r avēr un fìśic dla madóna. La śōvna la gh'à na surèla più pìcula 'd tréd'ś an ch'la viṿ sèg ciamàda Jade (Jade Risser) ch'la n véd minga bèṅ la sò relasiòṅ anc parchè l'à savû da la Candy (Casie Gillespie), na culéga braghéra 'd sò surèla, ch'i dū i n gùsan mai anc s'i èṅ muróś. Inóltar, faghénd un gir in dla sò cambra, l'à vdû na foto 'd sò nunòṅ insém a Adolf Hitler esénd tuta la sò famìja da la banda dal naśìśum, lò par prim.
Al futógrafar 'l è 'n óm sàdig usesiunâ da 'l rapòrt cun sò màdar (Tanja Grupp) e al n s cumpatìs pròpria briśa 'l putàni ch'al carga in màchina a Las Vegas par viulentàr-li, turturàr-li e pò masàr-li dand-ag dal rój nimàli malnéti. Dòp i masamènt al śbraga i còrp par tgnir-i dacàt a pès druànd di strumènt ch'al gh vénd un mecànig dal pòst (Gunnar Hansen).