Mucho Macho
|
C'l artìcul chè 'l è scrit in
Miranduléś |
 Mucho Macho
| ||
 L'Ela Weber e Gennai in na figùra dal film | ||
| Masć un Muć 2009 | ||
|---|---|---|
| Regìa: Leonardo Scucchi | ||
| Scritōr: Gaetano Gennai | ||
| Atōr: Gaetano Gennai • Ela Weber • Sauro Artini Jenny Romano • Bruno Santini • Milena Messeri Veronica Polacco • Francesca Fernanda Bini Gabriella Ceccherini • Benedetto Testaino | ||
| Müsica: Enrico Fabio Cortese | ||
| Léngua: Itagliàṅ | ||
| Dürä dal film: 90 minüt | ||
| Nasiōṅ: Itàglia | ||
Mucho Macho (Masć un Muć) l'è na cumèdia dal 2009 ad Leonardo Scucchi giràda in Tuscàna.
Sunt
Mario Misuri (Gaetano Gennai) al fà 'l investigadōr privâ e al gh'à n'agensìa par cònt suo ciamàda Mucho Macho, al nóm 'd un negòsi 'd artìcui pòran ch'a gh'éra in dal sò ufìsi prima ch'l al tulìs lò. La sò famìja la pōl cuntàr su sò mujér, la Lucrezia (Gabriella Ceccherini), su 'n ragasōl ch'al và incóra a scóla, Alessandro (Sauro Artini), e su la sò anvōda 'd vint-i-òṅ an, la Fabiola (Veronica Polacco).
La barìsta in du 'l và a magnàr, la Concetta (Jenny Romano), l'è na napulitàna ch'la gh stà sèmp'r adòs parchè la vrév métar-'s insém ma a n gh'è vèrs. A n cònta gnint anc dmandàr ajùt a la Maga Milly (Milena Messeri), una ch'la fà 'l carti in televiśiòṅ.
Un dè a riva in ufìsi da Mario na dóna tedésca, la Tessa (Ela Weber), ch'l'à spuśâ p'r i bèsi un vèć nòbil ad stanta-dū an, Pier Ferdinando Ottone Maria Londi di San Filippo (Gianluigi Ciolli), ch'al gh mét i còran cun na śuvnòta c'n i cavìi négar (Francesca Fernanda Bini). Chi lò al gh'à 'n patrimòni ad sinc-sènt migliòṅ 'd euro e dònca la Tessa la vōl dal próvi ciàri par ruinàr-'l in tribunàl e fargàr-'g acsè incòsa. Anc Mario però al gh'à i sò prubléma parchè al bèca Alessandro a véndar dla dròga a 'l fiōl 'd un sò cliènt méntar la Fabiola la s è misa c'n un vìgil, Urbano (Daniele Di Massa), ch'al gh fà dal multi a róta 'd còl.