Moon 44 - Attacco alla fortezza
|
C'l artìcul chè 'l è scrit in
Miranduléś |
 Moon 44
| ||
| Moon 44 - Attacco alla fortezza | ||
 Brian Thompson in na figùra dal film | ||
| Luna 44 - Atàc a la furtésa 1990 | ||
|---|---|---|
| Regìa: Roland Emmerich | ||
| Scritōr: Oliver Eberle • Dean Heyde P.J. Mitchell • Roland Emmerich | ||
| Atōr: Michael Paré • Lisa Eichhorn • Dean Devlin Malcolm McDowell • Leon Rippy • John March Brian Thompson • Calvin Burke • Mehmet Yilmaz Stephen Geoffreys • Drew Lucas • Jochen Nickel | ||
| Müsica: Joel Goldsmith | ||
| Léngua: Ingléś | ||
| Dürä dal film: 98 minüt | ||
| Nasiōṅ: Germàgna Òvest | ||
Moon 44 - Attacco alla fortezza (Luna 44 - Atàc a la furtésa) 'l è 'n film fantasientìfic dal 1990 da Roland Emmerich ch'al 'l à anc scrit.
'L è stâ girâ a Los Angeles (Califòrgna) e in soquànt pòst dal Baden-Württemberg c'n un budget stimâ 'd sèt migliòṅ ad marc tedésc.
Sunt
In d'l an 2038 la Tèra l'à finî tuti 'l sò risórsi naturàli e i sò abitànt, ch'i n èṅ piò divìś in nasiòṅ ma in curpurasiòṅ, i gh'aṅ da 'ndàr a tōr-i su di pianēd o su dal luni in dal galàsi. La sucietà Galactic Mining la gh'à intensiòṅ ad mandàr na misiòṅ ad diféśa su la sò Luna 44 parchè qvéi dla Pyrite Defense Company i gh'aṅ bèla fargâ dal luni ma a n è mia fàcil catàr di pilòta prònt a partìr parchè soquànt ad lōr i èṅ mòrt durànt gl'alenamènt ad vōl su di elicòtar speciài.
A la fiṅ la Galactic Mining, rapreśentàda par la Terry Morgan (Lisa Eichhorn), la decìd ad tōr 'l agìnt Felix Stone (Michael Paré), òṅ ch'a gh piàś lauràr par sò cònt, e soquànt delinquènt mis in parśòṅ cun la prumésa 'd scanślàr-ag na part dla péna ch'a gh armàgn cuma Jake O'Neal (Brian Thompson), Scooter Bailey (Jochen Nickel) e Moose Haggerty (John March). A guidàr-i da la baś i gh pénsan di navigadōr śōvan cuma Tyler (Dean Devlin), ch'al lavóra in còpia cun Felix, Cookie (Stephen Geoffreys) e Marc (Mehmet Yilmaz).
Purtròp a salta fóra ch'al mars 'l è pròpria a livèl dla cabìna 'd cmand dla misiòṅ parchè 'l magiōr Lee (Malcolm McDowell) e sergìnt cap Sykes (Leon Rippy) i lavóran p'r al sabutàǵ dla Galactic Mining esénd ch'i èṅ lōr ch'i fànan sparìr al naṿ spasiàli carghi 'd minerài par pasàr-li a qvéi dla Pyrite Defense Company.