Monster (film 2003)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Monster
Monster (film 2003).png
La Ricci e la Theron in na figùra dal film
Móstar
2003
Regia: Patty Jenkins
Scritùr: Patty Jenkins
Atùr: Charlize TheronChristina RicciTim Ware
Bruce DernPruitt Taylor VinceBrett Rice
Lee TergesenAnnie CorleyRus Blackwell
Müsica: Brian Transeau
Lengua: Ingléś
Dürä dal film: 109 minüt
Nasiòṅ: Stat UnîGermàgna


«
Al 6 'd Utóbar dal 2002 a vîṅ cundanàda a mòrt la prima dóna serial-killer di Stat Unî.»
(Tagline dal film)


Monster (Móstar) 'l è 'n film dramàtic e biugràfic americàṅ e tedésc dal 2003 scrit e dirèt par la Patty Jenkins. Al cònta la stòria dla vita dl'Aileen Wuornos, la prima serial-killer dóna cundanàda a mòrt in di Stat Unî. Par cla part chè la prutagunìsta Charlize Theron, ch'l'è stada custréta a ingrasàr ad quìndas chilo e a druàr un truc ch'al la faśìs dvintàr bruta, l'à vins al Prèmi Òscar.

La pelìcula, in du a s sènt par 189 vòlti la paròla «fuck», l'è stada giràda in Flòrida e l'è custàda òt migliòṅ ad dòlar faghénd-an pò sù da piò ad ssanta. In dal film i s càtan di braṅ di Duran Duran (All She Wants Is), di Blondie (Tide Is High), di INXS (What You Need), di Chemical Brothers (Where Do I Begin), dla Joan Jett (Do you Wanna Touch Me (Oh Yeah)) e àt'r incóra méntar la culòna sunóra l'è firmàda par BT (Brian Transeau).

Sunt

Da quànd la gh'à tréd'ś an l'Aileen Wuornos (Charlize Theron) la fà la putàna par campàr. Un dè la finìs par śbali in un lucàl par gay e lè la cgnós na ragàsa ciamàda Selby (Christina Ricci) ch'la gh'à di prubléma in famìja parchè i n la vōlan minga. Al dū dóni i tàcan la relasiòṅ e i vàn'n a vìv'r insém anc se l’Aileen la cuntìnua listés a far la scaja parchè i gh'aṅ biśógn ad bèsi e lē la n cata minga di àtar lavōr da far.

Na nòt l’Aileen la masa 'n cliènt ch'al l'iva viulentàda, Vincent Corey (Lee Tergesen), ma pò la cuntìnua a far listés cun di àt'r óm ch'i n gh'ìvan briśa cólpa: Gene (Pruitt Taylor Vince), Evan (Marco St. John), Will (Marc Macaulay) e Horton (Scott Wilson).

Culegamènt estéran