Monica Lewinsky

Da Wikipedia.
C'l artìcul chè 'l è scrit in Carpśàn Emiliàn
Na foto dla Lewinsky in dal '97.

La Monica Lewinsky (San Francisco, 23 'd lùj 1973) l'è na psicòloga americàna e cgnusùda masimamèint p'r avér avû soquànt escanbi 'd sês orêl col presidèint americàn Bill Clinton in dal mèinter ch'la fèva la stagìsta dàint'r in dla Cà biànca a partìr da 'l 1995.

Chersùda in na famìia cun di sold e tolta la làvrea a Portland in dal 1995, la Lewinsky la gniva tolta subìt a servìsi ala Cà biànca mo a s è pò savû ind un secònd mumèint che lē la catèva anc la manéra ed fèr soquànt èter servìsi specêl a 'l Presidèint Clinton.
A nn'era minga facil nè taśér-el e gnanc sputanèr incòsa, mo la só cgnusìnta Linda Tripp la cata la manéra 'd tōr sù 'l cunfidèinsi dla Lewinsky e purtèr-i a 'l giùdes dal procês ch'a s tgniva a 'l Presidèint Clinton per dal molèsti sesuêl ala Paula Jones in dal tèimp che 'l Presidèint al governèva ind 'l Arkansas. Che caśèin! Al Presidèint al giva ch'a nn'era vera gnint, mo es'r-egh scapèda la buśìa mèinter che invéci lò 'l era sòta giuramèint, 'l al porta infìn a 'l procedùri 'd impeachment, che però i n'van minga a sègn perchè pò lò a 'l gh'iva dala só pèrt la magiorànsa di vōt.

Vōś lighèdi

Noti e referèinsi

Èter progêt

Colegamèint estèren