Mogli assassine
|
C'l artìcul chè 'l è scrit in
Miranduléś |
 Wives with Knives
| ||
| Mogli assassine | ||
| ||
| Mujér sasìni 2012/2017 | ||
|---|---|---|
| Gènar: Docufiction | ||
| Stagiòṅ: 5 | ||
| Epiśòdi: 40 | ||
| Regìa: Evan Cecil • Ted Leonard • Greg Francis | ||
| Scritōr: Lily Tung Crystal • Elisabeth de Kleer | ||
| Atōr: Casey Jordan • Steve C. Porter • Vanessa Ross | ||
| Mùśica: Eric Hester • Gregory Hinde • Scorekeepers | ||
| Duràda: 43 minùt | ||
| Léngua: Ingléś | ||
| Nasiòṅ: Stat Unî | ||
Mogli assassine (Mujér sasìni) l'è na docufiction americàna dal canàł Investigation Discovery ch'la dascór ad fat ad sangṿ sucès dabòṅ fat da dal mujér in di cunfrònt di sò spóś o di sò óm in generàł.
A s trata 'd dóni cun dal viti dasfurtunàdi o anc mèśi ciucàdi in dla suca e da la scurtlàda fàcila, da spés c'n al magòṅ adòs, custréti a far i cònt cun di marè o di muróś ch'i gh mét'n al maṅ adòs, ch'i daṅ sèmpar cóntar o ch'i gh mét'n i còran, dal vòlti puòs o viulènt e puseśìṿ.
Vist al sucès dal prugràma i èṅ stadi giràdi sinc stagiòṅ par quarànta puntàdi in tut.
In Itàglia la série l'è traśmìsa p'r i canài dal grup Discovery Italia cuma Real Time e Nove.
In dal prugràma i persunàǵ dal stòri i èṅ interpretâ da di atōr e 'l vicéndi i èṅ cuntàdi in studi da di parènt o di amìg di prutagunìsta e da la criminòluga e duturésa Casey Jordan ch'la fà anc védar durànt la traśmisiòṅ di cunsèṅ di intervìsti fati a 'l sasìni ch'i s èṅ cunfidàdi sèg.
A la fiṅ dla puntàda a s vîṅ a savēr anc quàl è stada la punisiòṅ dada da i giùdas p'r al crìmin fat parchè, anc s'la vita l'è dura e la cólpa la n è mai da na banda sōla, un masamènt 'l è sèmp'r un masamènt.