Mimic

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg Mimic
Mimic
Mimic.png
La Sorvino e Jeremy Northam in na figùra dal film
Imitadōr
1997
Regia: Guillermo del Toro
Scritùr: Donald A. Wollheim
Matthew Robbins • Guillermo del Toro
Atùr: Mira SorvinoJeremy NorthamJosh Brolin
Giancarlo GianniniNorman ReedusGlenn Bang
Alix KoromzayJames CostaAlexander Goodwin
Müsica: Marco Beltrami
Lengua: IngléśItagliàṅ
Dürä dal film: 105 minüt
Nasiòṅ: Stat Unî


«
Par di miàr 'd an 'l óm 'l è stâ la più granda creasiòṅ dl'evulusiòṅ... in fiṅ a 'dès.»
(Tagline dal film)


Mimic (Imitadōr) 'l è 'n film ad scarésa fantàstic dal 1997 ad Guillermo del Toro ch'al tōś ispirasiòṅ da 'n racònt cic ad Donald A. Wollheim. Al gh'à abû dū séguit, Mimic 2 dal 2001 e Mimic 3: Sentinel dal 2003.

Al film 'l à muciâ sù vint-sinc migliòṅ e mèś ad dòlar a frònt 'd un budget ad trénta.

Sunt

La dutōra entumòluga Susan Tyler (Mira Sorvino) insém a sò marè Peter Mann (Jeremy Northam) i lavōr'n in un sènt'r ad studi ad New York par pascàr dal curi p'r i mâi infetìṿ. Un dè, misćiànd insém i DNA ad sòquànt insèt, i daṅ vita a 'n anti-gêṅ ch'al pōl cumbàt'r un vìrus ch'al culpìs i putèṅ e ch'al s cata in di còrp di scaravàś. I dū siensiâ i càmbian geneticamènt na spéce 'd insèt cun 'l anti-gêṅ dènt'r e pò i i stràmnan par la sità.

Soquànt tèmp dòp però chi insèt lè mandâ lìbar i gh'aṅ na mutasiòṅ ch'la i fà dvintàr dal bèsti catìvi magna-carna e di barbòṅ e di baghét i finìsan p'r ès'r i sò past.

La Susan e Peter, jutâ par Manny (Giancarlo Giannini) e par Leonard (Charles S. Dutton), i decìd'n ad dar-ag la casa fra i curidōr dla metro in du i vìvan.

Culegamènt estéran