Mia moglie è un'attrice
|
C'l artìcul chè 'l è scrit in
Miranduléś |
 Ma femme est une actrice
| ||
| Mia moglie è un'attrice | ||
 Yvan Attal in na figùra dal film | ||
| Mè mujér l'è n'atōra 2001 | ||
|---|---|---|
| Regìa: Yvan Attal | ||
| Scritōr: Yvan Attal | ||
| Atōr: Yvan Attal • Charlotte Gainsbourg • Keith Allen Terence Stamp • Noémie Lvovsky • Laurent Bateau | ||
| Müsica: Brad Mehldau | ||
| Léngua: Francéś • Ingléś | ||
| Dürä dal film: 95 minüt | ||
| Nasiōṅ: Frància | ||
Mia moglie è un'attrice (Mè mujér l'è n'atōra) l'è na cumèdia francéśa dal 2001 scrita, dirèta e interpretàda p'r Yvan Attal insém a sò mujér Charlotte Gainsbourg.
Al film 'l è custâ dagnóra siē migliòṅ ad dòlar ma 'l è stâ bòṅ ad far-an sù déś e sèt.
Sunt
Al pariśèṅ Yvan (Yvan Attal) al fà 'l giurnalìsta spurtìṿ e 'l gh'à na surèla, la Nathalie (Noémie Lvovsky), ch'la spéta 'n putèṅ masć da sò marè Vincent (Laurent Bateau). Esénd ebrèja la vōl a tut i cóst tajàr-ag via 'l prepùsi quànd al nasrà e la s quistióna sèmpar c'n al sò spóś ch'invéci al vrév ch'al fus lò, quànd al sarà grand, a decìdar s'l è 'l caś ad cavàr-as via la pèla ch'la quàcia 'l cas.
Yvan invéci al và 'd acòrd cun sò mujér, la Charlotte (Charlotte Gainsbourg), a gh'è sōl un quèl ch'a gh dà fastìdi, ch'l'è n'atōra famóśa che tut i l'arcgnós'n in strada e i la tràtan cuma na selebrità. Un dè Yvan al decìd 'd andàr a catàr-la su 'l set 'd un film ch'l'è drē a giràr a Lóndra c'n al regìsta ingléś David (Keith Allen) e cun la stéla in là c'n i an John (Terence Stamp). Quànd 'l è là a gh vîṅ un cōlp parchè al bèca tut i mémbar dal staff c'n i mémbar tut fóra parchè i éran drē a giràr na séna sexy e i vlìvan jutàr la Charlotte a far-as pasàr 'l imbaràs ch'la gh'iva in dal cavàr-as śò a sò vòlta.
Yvan al s incàsa e 'l tórna in Frància méntar la Charlotte la taca a 'ndàr fóra cun John ch'al l'intórta rigalànd-ag di diségn fat da lò e cuntànd-ag dal pueśìi.