Messengers 2 - L'inizio della fine
|
C'l artìcul chè 'l è scrit in
Miranduléś |
 Messengers 2: The Scarecrow
| ||
| Messengers 2 - L'inizio della fine | ||
 Norman Reedus in na figùra dal film | ||
| Mesagēr 2 - 'L inìsi dla fiṅ 2009 | ||
|---|---|---|
| Regìa: Martin Barnewitz | ||
| Scritōr: Todd Farmer | ||
| Atōr: Norman Reedus • Heather Stephens Claire Holt • Richard Riehle • Darcy Fowers Matthew McNulty • Kalina Green • Todd Jensen Erbi Ago • Laurence Belcher • Atanas Srebrev | ||
| Müsica: Joseph LoDuca | ||
| Léngua: Ingléś | ||
| Dürä dal film: 94 minüt | ||
| Nasiōṅ: Stat Unî • Régn Unî • Bulgarìa | ||
Messengers 2 - L'inizio della fine (Mesagēr 2 - 'L inìsi dla fiṅ) 'l è 'n film ad scarésa dal 2009 ad Martin Barnewitz, prequel ad The Messengers dal 2007.
'L è stâ girâ a Sòfia e 'l è vgnû fóra diretamènt p'r al marcâ d'l home video.
Sunt
John Rollins (Norman Reedus), cuntadèṅ buletàri dal Dakòta dal Nòrd, 'l è spuśâ da dód'ś an cun la Mary (Heather Stephens) e 'l gh'à dū fiōi: la Lindsey (Claire Holt), la più granda, e 'n masćèṅ ciamâ Michael (Laurence Belcher). La famìja la fà fadìga a tiràr avànt parchè al sò camp ad furmintòṅ al n è minga bòṅ ad far tanti panòci e pò a gh'è di córuv ch'i màgn'n incòsa.
Un dè John al cata 'n spauràć in un tanabùś lugâ in dal fnil e 'l decìd ad piantàr-'l in mèś a 'l camp saénd però ch'l è na gósa in mèś a 'l mâr parchè, par śluntanàr tut chi uśèi lè, a gh in vrév dimóndi da piò. In tut al manéri, da cal mumènt lè, al ròbi i pàran giràr da la sò banda parchè al dè dòp al cata tut i córuv mòrt par tèra. Purtròp par lò a s fà pò viṿ sèg al diretōr dla banca ch'al gh'iva fat al mutṿo, al sgnōr Chapman (Todd Jensen), ch'al gh cunsìlia 'd véndar tut par pagàr i sò dèbit. Quànd John 'l al para via, al banchēr al tórna 'd nòt par mét'r un cartèl ch'al sit 'l è in véndida par falimènt ma pò al finìs sóta 'n càmion ch'l al spapèla in strada. Un amìg ad sò mujēr ch'al s éra davśinâ incóra a la dóna saénd di sò prubléma cun John, Tommy (Atanas Srebrev), al s tōś la vita impicànd-as sénsa mutìṿ.
John al taca a pinsàr che tut chi mòrt lè i sìan òpra dal spavìnta-pàsar dònca al decìd ad bruśàr-al sénsa però cavàr-'g-la: al spauràć 'l è sèmpar lè in mèś a i malghét. Un sò vśèṅ 'd cà, Jude Weatherby (Richard Riehle), e sò mujēr, cla purcùsa dla Miranda (Darcy Fowers), i pàran savēr quèl esénd ch'i tìn'n in dla sò roulotte un lìbar 'd striarìa négra fargâ a 'n indiàṅ.