Melissa P.
|
C'l artìcul chè 'l è scrit in
Miranduléś |
 Melissa P. | ||
 Nilo Zimmerman in na figùra dal film | ||
| id. 2005 | ||
|---|---|---|
| Regìa: Luca Guadagnino | ||
| Scritōr: Barbara Alberti • Cristiana Farina Luca Guadagnino • Melissa Panarello | ||
| Atōr: María Valverde • Letizia Ciampa • Primo Reggiani Fabrizia Sacchi • Geraldine Chaplin • Nilo Zimmerman Claudio Santamaria • Elio Germano • Alba Rohrwacher | ||
| Müsica: Lucio Godoy | ||
| Léngua: Itagliàṅ | ||
| Dürä dal film: 100 minüt | ||
| Nasiōṅ: Itàglia • Spaggna | ||
Melissa P. (id.) 'l è 'n film eròtic dal 2005 ad Luca Guadagnino trat da 'l rumànś scàndal Sènt cōlp ad spaséta prima 'd andàr a durmìr dla Melissa Panarello.
La pelìcula, prudóta par la Francesca Neri, l'à purtâ a cà da piò ad siē migliòṅ ad dòlar sōl in Itàglia.
Sunt
[mudéfica la surzéia]La Melissa (María Valverde) l'è na ragasōla ad séd'ś an dla Basitàglia ch'la viṿ cun na màdar minga tant madûra ch'la gh'à 'n negòsi, la Daria (Fabrizia Sacchi), e na nunóna ad nóm Elvira (Geraldine Chaplin) sò amìga ch'a gh piàś pasàr-ag la spaséta par réndar più lis i sò cavìi. Sò pàd'r al fà 'l inśgnēr e 'l è da spés via méntar la sò amìga dal cōr la s ciàma Manuela (Letizia Ciampa).
La śuvnòta l'è anc piutòst purcùsa e cuma tuti 'l malnéti patintàdi i ragàs i la tràtan da rója cum la s mèrita, specialmènt Daniele (Primo Reggiani), al ragàs ch'al l'à gusàda par prim e ch'a lē a gh piàś dimóndi. La Melissa la s ardùś a far-as dar da tut i sò amîg e a far la spurcaciòna in chat. In clas sèg a gh'è anc un ragàs sèri ch'a gh piàś disgnàr, Marco (Nilo Zimmerman), ma a la Melissa al n gh'è gnanc indivìś.
Na sira, méntar la Melissa la và a cà 'd òṅ ch'la n sà gnanc chi 'l sia, par far sès, a mōr sò nunóna.