Matrix Revolutions

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Matrix Revolutions
Matrix Revolutions
Matrix Revolutions.png
Robert Mammone in na figùra dal film
Al rivulusiòṅ dla matrìś
2003
Regìa: Lana WachowskiLilly Wachowski
Scritōr: Lana Wachowski • Lilly Wachowski
Atōr: Keanu ReevesLaurence Fishburne
Carrie-Anne MossHugo WeavingMary Alice
Monica BellucciLambert WilsonNona Gaye
Harold Perrineau Jr.Robert Mammone
Müsica: Don Davis
Léngua: IngléśFrancéś
Dürä dal film: 129 minüt
Nasiōṅ: Stat Unî


«
Tut qvél ch'al gh'à 'n inìsi al gh'à na fiṅ.»
(Tagline dal film)


Matrix Revolutions (Al rivulusiòṅ dla matrìś) 'l è 'n film fantàstic 'd asiòṅ americàṅ dal 2003 di Fradèi Wachowski, la Lana e la Lilly, ch'i 'l aṅ anc scrit. La pelìcula l'è l'ultma part dna trilugìa tacàda cun Matrix dal 1999 e cuntinuàda cun Matrix Reloaded, sèmpar dal dal 2003.

Al film 'l à muciâ sù dagnóra quatarsènt-trénta migliòṅ ad dòlar a frònt 'd un budget ad 110/150 migliòṅ. In di tìtui 'd cóa a s sènt al pès Navras ad Juno Reactor vs. Don Davis, curadōr dla culòna sunóra.

Sunt

La guèra finàla fra gl'ès'r umàṅ ad Zion e 'l màchini l'è tacàda esénd che che lōr i èṅ rivàdi in dla sità lugàda sót-tèra par cunquistàr-la. Neo 'l è parśunēr in na dimensiòṅ fra 'l mónd reàł e qvéla dla Matrìś, cuntrulàda par 'l Óm dal trêṅ (Bruce Spence), 'n èsar catìṿ a 'l servìsi dal Meruvìnǵ (Lambert Wilson) e 'd sò mujēr Persèfuna (Monica Bellucci), e dònca al n pōl minga èsar 'd ajùt.

La Trinity (Carrie-Anne Moss) e Morpheus (Laurence Fishburne), dòp avēr dascōrs cun na versiòṅ mudificàda d'l Uràcul (Mary Alice), i vànan da 'l Meruvìnǵ insém a Seraph (Collin Chou) e i gh la càvan a far turnàr Neo indrē. Chi lò prima al cumbàt cóntar Bane (Ian Bliss), ch'al gh bruśa i òć faghénd-al dvintàr òrub, pò al partìs p'r andàr a dascórar c'n al Deus Ex Machina (Henry Blasingame). Durànt al viàś in astrunàṿ la Trinity la pèrd però la vita cumbaténd c'n al màchini.

Méntar Zion tuta la próa a diféndar-'s a tut i cóst, Neo al dà inìsi a la lòta finàla cóntar 'l agìnt Smith (Hugo Weaving).

Culegamènt estéran