Matrimonio tardivo
|
C'l artìcul chè 'l è scrit in
Miranduléś |
 Hatuna Meuheret
| ||
| Matrimonio tardivo | ||
 La Elkabetz e Ashkenazi in na figùra dal film | ||
| Matrimòni tardìṿ 2001 | ||
|---|---|---|
| Regìa: Dover Kosashvili | ||
| Scritōr: Dover Kosashvili | ||
| Atōr: Lior Ashkenazi • Ronit Elkabetz • Rivka Gur Lili Koshashvili • Aya Steinovitz • Moni Moshonov Sapir Kugman • Rozina Cambos • Simon Chen Leonid Kanevskiy • Dina Doron • Zuri Botrashvilli | ||
| Müsica: Josef Bardanashvili | ||
| Léngua: Geurgiàṅ • Ebràic | ||
| Dürä dal film: 102 minüt | ||
| Nasiōṅ: Iśraēl • Frància | ||
Matrimonio tardivo (Matrimòni tardìṿ) 'l è na cumèdia dramàtica dal 2001 dirèta e scrita par Dover Kosashvili. L'è stada preśentàda a 'l Fèstival ad Cannes dal 2001 in dla sesiòṅ Un Certain Regard.
In Iśraēl 'l à vins dimóndi prèmi e 'l à curs par dvintàr òṅ di sinc film candidâ a 'l Prèmi Òscar p'r i film furastér sénsa però cavàr-'g-la.
Sunt
Zaza (Lior Ashkenazi), un studènt iśraeliàṅ ad trént'un an fóra cōrs a l'università, 'l è incóra put. I sò genitōr Yasha (Moni Moshonov) e la Lili (Lili Koshashvili), di ebrèj ch'i daśvìnan da la Geòrgia, i vrévan ch'al sa spuśìs in présia parchè al gh'à i an giùst p'r al matrimòni. Tgnénd a drē a 'l tradisiòṅ dal sò paéś, chi lōr i gh preśéntan da spés dal fémni vìrgin e 'd bòna famìja ma a Zaza a n gh'è gnanc indivìś parchè al sò cōr 'l è tut par na dóna maruchìna più vècia ad lò, la Judith (Ronit Elkabetz), cun na fiōla ad siē an e anc divursiàda.
I sò parént, vdénd che a lò a n gh in piàś gnanc una, i tàc'n a pinsàr ch'a gh sia sóta quèl e i 'l tìnan 'd òć ad nascòst, in fiṅ tant ch'i 'l bècan su 'l fat. Arliâ 'd brut, i gh dànan śò a la maruchìna e i órd'n a Zaza ad spuśàr na ragasōla sarnìda da lōr o sinò i n gh daràṅ gnint quànd i muriràṅ parchè i n pōlan minga cumpatìr-as na vargóggna dal gènar.