Martin Weinek

Da Wikipedia.

Artécol in dialèt arzân

Martin Weinek (a drèta) cun Denise Zich e Kaspar Capparoni

Martin Weinek (Leoben, 11 lój 1964) l'é un atōr, dupiadōr, anôlegh, regésta, vignarōl, imprentitōr avstrîach. Al lavōra pr' al cínema, al teâter e la televisiòun. Al póblich italiân l'é cgnusû per la pêrta ed l' Ispetōr Fritz Kunz ind la sèria "Il Commissario Rex".

Carēra[modifica | mudéfica la surzéia]

L'é gnû só tr' al 1983 e al 1986 dal Pruf. Peter P. Jost, al 's dà al teâter dal 1986 in soquânti prudusiòun vienèişi. La só préma pêrt in un félm l'é còla ed l'asensorésta int al félm Nachsaison (Bâsa stagiòun).

Int al 1987 al gh'à 'na pêrt ind l'ôpra teatrêla Der Lechner Edi schaut ins Paradies ed Jura Soyfer sòta la regía ed Georg Mittendrein ind al festivâl Ruhrfestspiele Recklinghausen e la pêrt 'd un spasèin int al félm Müllomania ed Dieter Berner.

Tr' al 1988 e al 1989, al gh'à un ingâg al Jura-Soyfer-Theater a Vièna e 'd j êter ingâg in teâter pió céch, al lavôra etertânt cme regésta, diretōr artéstich e produtōr. Pó l'é int al 1989 ind la sèria ed la televisiòun avstríaca Calafati Joe. Dal 1990 al 1991 l'é diretōr artéstich dal Hernalser Stadttheater a Vièna.

Dal 1989 al rîva a 'd esèr cgnusû in Itâlia grâsia ânca a la sèria ed la televisiòun Il Commissario Rex in dóve l'é un atōr fés.

Martin Weinek l'é un pasionê ed vèin e 'd la cultivasiòun ed la vîda: difâti dal 1993 al gh' à 'na végna a Hagensdorf ('na frasiòun in pîna campâgna int al cmûn ed Heiligenbrunn) curêda da ló insèm a só mujêra Eva, ânca lê artésta e scritrîce ed comèdi. L' aşiènda l'é in 'na vècia cà da cuntadèin arnuvêda e modernişêda sòta la diresiòun ed la sgnòura Eva Weinek, la proprietê Weinek l' é ed cîrca trî èter.

Martin Weinek cun Kaspar Capparoni a Vièna

L' 8 ed mêrs 2008 l'é muderadōr pr' al Genusse Burgenland dal 2008, al gh' îva pêrt al manifestasiòun serêli.

Dupiadōr italiân[modifica | mudéfica la surzéia]

I dupiadōr italiân ed Martin Weinek în préma ed tót Massimo Rinaldi per Il Commissario Rex. Pino Amendola, Riccardo Peroni, Luca Bottale, Luigi Ferraro, Riccardo Rovatti e dal vōlti Mino Caprio e Tony Fuochi per al pêrt pió céchi.

Elèinch di félm[modifica | mudéfica la surzéia]

  • 1989: Calafati Joe (sèria ed la televisiòun)
  • 1999-2004, 2008- : Il Commissario Rex (sèria ed la televisiòun)
  • 2004: Silentium
  • 2005: Grenzverkehr
  • 2006: Unter weißen Segeln (Puntêda Träume am Horizont)
  • 2007: Die Rosenheim-Cops (Puntêda Liebe bis zum Ende)

Colegamèint d'ed fōra[modifica | mudéfica la surzéia]

Nôta: cla pâgina ché l'é stêda inviêda cun 'na tradusiòun da Martin Weinek trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.