Martian Land
|
C'l artìcul chè 'l è scrit in
Miranduléś |
 Martian Land
| ||
 Lane Townsend in na figùra dal film | ||
| Tèra marsiàna 2015 | ||
|---|---|---|
| Regìa: Scott Wheeler | ||
| Scritōr: Jeremy M. Inman | ||
| Atōr: Lane Townsend • Alan Pietruszewski Jennifer Dorogi • Arianna Afsar • Dionne Neish Chaim Dunbar • James Wong • Chloe Farnworth | ||
| Müsica: Christopher Cano | ||
| Léngua: Ingléś | ||
| Dürä dal film: 117 minüt | ||
| Nasiōṅ: Stat Unî | ||
Martian Land (Tèra marsiàna) l è 'n film fantàstic e 'd asiòṅ dal 2015 ad Scott Wheeler, vgnû fóra diretamènt p'r al marcâ d'l home video. A s trata 'd un mockbuster dla pelìcula The Martian prudót par qvéi dla The Asylum.
'L è stâ girâ a Los Angeles e a Burbank mént'r al séni dal deśèrt i èṅ stadi fati sèmp'r in Califòrgna a Shaver Lake e in dla Lucerne Valley.
Sunt
Par via d'l inquinamènt e di cumpurtamènt sénsa critèri dal gèn'r umàṅ, la Tèra l'è dvintàda 'n pianēd in ruìna ch'a n s gh pōl più vìvar dònca la gint l'à tacâ a far di viàś spasiài p'r andàr a star su dal culògni su Mart, dand vita a dal sità saràdi dènt'r a dal cupóli 'd vēdar.
Al dutōr Foster (Lane Townsend), ch'al n éra incóra partî p'r al “pianēd rós” esénd ch'al pascàva incóra dal sulusiòṅ par far turnàr la Tèra un mónd ch'a s gh pòsa vìvar, al decìd 'd andàr a catàr sò fiōla Ellie (Arianna Afsar) ch'la stà a New York marsiàna insém a la sò amìga e muróśa Ida (Chloe Farnworth). Al tōś acsè 'n astrunâṿ pilutàda par Neil (Alan Pietruszewski), 'n amìg ch'adès al s è mis cun la sò èx mujēr, la Miranda (Jennifer Dorogi), na dóna ch'la cmanda a Los Angeles marsiàna faghénd la diretōra là jutàda par la Reiger (Dionne Neish) e par Lambert Andrews (Chaim Dunbar) dla sicurésa.
Quànd Foster al riva su Mart al vîṅ a savēr che sò fiōla l'è in perìcul parchè na timpèsta 'd sàbia l'à spasâ via New York marsiàna méntar lē l'à catâ rifùǵ in un tùnnel sót-tèra.