Mariéta (Geòrgia)

Da Wikipedia.

C'l artìcul chè 'l è scrit in Miranduléś Emiliàn

Al palàs ad giustìsia
La sità dla Mariéta su la mapa dla Geòrgia


La Mariéta (Marietta in Ingléś) l'è na sitadina di Stat Unî ad ssant'un-mila abitànt a 'l incìrca ch'la s cata in dal stat dla Geòrgia, in dla cuntèa 'd Cobb. Prima dal 1824 l'éra abitàda par gl'indiàṅ Cherokee. Al sò clima 'l è subtrupicàł, cald e ùmid.

In sità a gh'è 'n campsànt in du i pònsan tri-mila suldâ e pasa d'l eśèrcit cunfederâ mòrt durànt la batàja 'd Atlànta.

Durànt 'l vintéśum sécul in sità a gh'è stâ di masamènt ch'i aṅ fat dascórar dimóndi cuma qvél dna ragasōla, la Mary Phagan, a dita di giùdas cupàda in dal 1913 in dla fàbrica in du la lauràva p'r al sò padròṅ, al suvrintendènt ebrèj Leo Frank, anc s'a 'l dè 'd incō a gh'è di dubi ch'al sia stâ lò dabòṅ. Chi lò 'l è pò stâ linciâ e impicâ dū an dòp da 'l pòpul e a la sò mòrt al muimènt dal Ku Klux Klan al s è incóra da piò stramnâ in tut al sud di Stat Unî. In dal 1992 invéci al putènt avucàt Fredric W. Tokars, èx prucuradōr, 'l à fat masàr sò mujér, la Sara Lambrusko, parchè chi lē l'iva dasquaciâ 'l sò castèl 'd carti fat ad strulgàdi par riciclàr di bèsi muśnènt in soquànt cònt a 'l èstar e la psiva dònca druàr qvél ch'l'iva savû in dla sò càuśa 'd divòrsi par tgnir-as lē i sò dū putèṅ. Invéci i baghét i èṅ stâ custrét a védar 'l umisìdi dla màdar da part 'd un sicàri 'd culōr.

Da 'l 2010 al sò sìndig 'l è 'l republicàṅ Steve Tumlin.

Persunàǵ ligâ a la Mariéta

Culegamènt estéran