Marco Orsi
|
C'l artìcul chè 'l è scrit in
Miranduléś |
Marco Orsi (Bûdri, 11 ad Dicémbar dal 1990, a s lèś ['marko 'orsi] in Itagliàn) 'l è un nudadōr emigliàṅ. 'L è élt 1,89 mét'r e al péśa 90 chilo e i sò punt ad fòrsa i èṅ i 50 e i 100 métar stîł lìbar.
A gh piàś dimóndi la Nutella[1] e 'l sò scutmàj 'l è „Bomber“[2].
Caréra
Al nudadōr bulgnéś al vins i sò prim tri tìtui nasiunàł, in di 50 e in di 100 métar, in dal 2009. In Mars a Arsòṅ al fà 'l rècord itagliàṅ in di 50 sl c'n al tèmp ad 21"82. In Nuvémbar al gh tira via dagnóra 'n àtar secónd.
A i campiunâ mundiài in vasca curta ad Doha dal 2014 al vins la mdaja 'd argìnt in di 50 métar stîł lìbar faghénd 20"69.
In dal 2015 in di campiunâ mundiài ad Kazàn (Rùsia) al vins la mdaja 'd brónś in dla staféta 4x100 stîł lìbar. A i campiunâ europèo ad nōd in vasca curta in Iśraēl dal 2015 al vins la mdaja 'd òr in di sènt métar stîł lìbar in 46”05 a 'n centéśum da 'l rècord itagliàṅ[3]. Al s è anc mis in bisàca la mdaja 'd òr in dla staféta 4x50 misć insém a i rumagnōi Simone Sabbioni e Fabio Scozzoli e a 'l milanéś Matteo Rivolta e in dla staféta 4x50 stîł lìbar óm/dóni cun Federico Bocchia, la Silvia Di Pietro e l'Erika Ferraioli.
Nòti
- ↑ Quànt a m piàś Bûdri (e la Nutella!) Budrio Next, 24 ad Śnar dal 2012
- ↑ Nōd, Marco Orsi bomber eśagerâ Libero, 22 ad Dicémbar dal 2014
- ↑ Nuoto, Orsi al vins 'l òr in di 100 stîł «E pinsàr ch'a iva preparâ i misć» E al triónfa anc in dla 4x50 di masć Corriere della Sera, 6 ad Dicémbar dal 2015