Marco Benassi
|
C'l artìcul chè 'l è scrit in
Miranduléś |
.jpg)
Marco Benassi (Mòdna, 8 ad Setémbar dal 1994, a s lèś ['marko be'nassi] in itagliàṅ) 'l è 'n śugadōr ad fólbar emigliàṅ, mediàṅ dal Turèṅ e dla nasiunàla itagliàna Under-21 in du 'l è anc capitàṅ. 'L è élt 1 mét'r e 84 e al péśa utànta chilo.
Dòp avér dâ i prim cals a 'l balòṅ in dla squàdra dla sò sità, la Gino Pini, al pasa pò a la squàdra di śōvan dal Mòdna in du 'l śōga da 'l 2007 a 'l 2011 quànd al pasa a 'l Inter. Cun la squàdra 'd Milàṅ al fà siē partìdi in dal campiunâ 2012-2013, pò 'l an dòp al và in prèst a 'l Livóran sgnand dū gòi in vint gari.
In dal 2014 al pasa a 'l Turèṅ, prima a mità cun 'l Inter e pò dal tut, c'n i piemuntéś ch'i aṅ śibî tri migliòṅ e mèś 'd euro par cl'atra mità dal sò cartlèṅ.