Marciando nel buio
|
C'l artìcul chè 'l è scrit in
Miranduléś |
 Marciando nel buio
| ||
 Jean-Marc Barr in na figùra dal film | ||
| Marciànd in dal scûr 1996 | ||
|---|---|---|
| Regìa: Massimo Spano | ||
| Scritōr: Massimo Spano Daria Lucca • Claudio Lizza | ||
| Atōr: Jean-Marc Barr • Thomas Kretschmann Massimo Dapporto • Franco Interlenghi Flavio Albanese • Ottavia Piccolo • Nicola Russo | ||
| Müsica: Pino Donaggio | ||
| Léngua: Itagliàṅ | ||
| Dürä dal film: 105 minüt | ||
| Nasiōṅ: Itàglia | ||
Marciando nel buio (Marciànd in dal scûr) 'l è 'n film dramàtic itagliàṅ dal 1996 ad Massimo Spano, prudót par la Zeudi Araya sénsa la culaburasiòṅ d'l Eśèrcit.
Sunt
Saro Franzese (Flavio Albanese) 'l è 'n śōvan ch'al gh'à da far al servìsi militàr. Fra i suldâ dal sò repàrt, al s fà amìg c'n al sergînt Gianni Tricarico (Thomas Kretschmann) e na sira in vàn'n in discutéca insém. Chè Gianni prima al gh próa sèg, pò invéci 'd turnàr in caśèrma, 'l al pòrta a far un “puttan tour” in dal quartēr in du a gh'è di trans ch'i pàr'n arcgnós'r-al cuma s'al fus sòlit andàr-ag. Saro al n è minga tant ad cl'idéa lè e dònca al śmónta śò par dmandàr un pasàǵ a na màchina in arìṿ. Chè al vîṅ piciâ da 'n óm ch'a gh'éra da drē e pò anc viulintâ da lò.
Al ragàs, ch'l à arcgnusû in dal viulentadōr al capitàṅ dal sò batajòṅ Silvio Roatta (Jean-Marc Barr), al pasa soquànt dè a cà dla surèla 'd Gianni, la Paola (Mariella Valentini), e 'd sò marè Mario (Emilio Bonucci), sprand acsè ad psēr-as tiràr-as sù. In cal méntar Gianni, faghénd a mènt a la targa dla màchina, al capìs ch'a guidàr-la a gh'éra 'n manìac sesuàł buletàri ciamâ Vittorio Scarpa (Massimo Dapporto). Sò mujēr Gabriella (Ottavia Piccolo) e sò fiōl Fabrizio (Nicola Russo) i denùnsian lò e Roatta, purtànd cuma testimòni Gianni.
Al capitàṅ, ch'al stà cun la fiōla dal sìndig dla sità, la Laura (Antonella Fattori), al dróa 'l sò putēr par custrìnśar Gianni a taśēr.