Mancaṣêl

Da Wikipedia.
Jump to navigation Jump to search

C'l artìcul chè 'l è scrit in Arzân Emiliàn

Cêṣa ed Mancaṣêl


Mancaṣêl (Mancasale in italiân) l’é ‘na frasiòun dal cmûn ed Rèz, més ind la zôna a mezanôt ed la sitê. La fà pêrt ed la Circoscrisiòun N.7

L’é òna dal vèci véli ed Rèz ciamêda Véla Mancaṣêl (dal latèin Magnum Casale) in urègin ed carâter campagnôl, dal secònd dôp guèra l’é dvintêda la principêla zôna industriêla e artigianêla dal cmûn, l’à pêrs grân pêrta ed la só carateréstica agrécola.

Avtostrêda dal Sōl

Tra i dimòndi capanòun e ufési a gh’é véla Prampolini, al só urègin a s’arfân al XVI sècol mó adèsa l’ as’ preṣèinta cun ‘n’ architetûra dal ‘700, cme al dō dòpi scalinêdi (còla davânti arfâta, còla ed drêda uriginêla).

A l’itêren a gh’ermâgnen dal pitûri a frèsch ind al piân nôbil, e al secònd piân un sufét che a’s pōl dêr ch’al sia ed Prospero Minghetti. Al dé d’incô ind la véla a’s câten ufési, apartamèint, un ristorânt e ind la cantèina un bar americân.

Al só teritôri in pió l’é traversê da divêrs impiânt ed servési póblich cme al casèl autostradêl, i trî pûnt cun i tirânt ed Calatrava, la ferovéia Milân-Bològna, l' Avtostrêda dal Sōl e adèsa a gh’în i cantêr ed l’êlta velocitê feroviâria.