Malvagi
|
C'l artìcul chè 'l è scrit in
Miranduléś |
 Villains
| ||
| Malvagi | ||
 La Monroe e Skarsgård in na figùra dal film | ||
| Catìṿ 2019 | ||
|---|---|---|
| Regìa: Dan Berk • Robert Olsen | ||
| Scritōr: Dan Berk • Robert Olsen | ||
| Atōr: Bill Skarsgård • Blake Baumgartner Maika Monroe • Jeffrey Donovan • Kyra Sedgwick Nikolas Kontomanolis • Danny Johnson | ||
| Müsica: Andrew Hewitt | ||
| Léngua: Ingléś | ||
| Dürä dal film: 90 minüt | ||
| Nasiōṅ: Stat Unî | ||
Malvagi (Catìṿ) 'l è 'n thriller americàṅ dal 2019 scrit e dirèt par Dan Berk e Robert Olsen, preśentâ a 'l South by Southwest fèstival.
Sunt
C'n adòs dal mascri ad bèsti, al śōvan Mickey (Bill Skarsgård) e la sò muróśa Jules (Maika Monroe) i fànan na rapìna a na stasiòṅ ad servìsi e pò, c'n i bèsi fargâ, i partìs'n in màchina par la Flòrida. Lung la via, quànd i s càt'n in mèś a 'n bòsc ad campàggna, i armàgn'n a pē avénd finî la benśìna. Cun la pulisìa ch'la gh dà la casa, i dū i vàn'n a pascàr ajùt e i càtan na cà lè darènt.
Esénd ch'a n gh'è ninsòṅ dèntar, al ragàs al śbràga la ciavadùra p'r andàr a védar s'l è bòṅ 'd catàr dal carburànt. Dòp avēr tirâ sù dla dròga p'r al naś, pascànd in cantìna, Mickey e la Jules i védan ch'a gh'è na putìna in cadéni (Blake Baumgartner), muta e tuta muśnènta. In cal mént'r i tórnan i padròṅ 'd cà, George (Jeffrey Donovan) e la Gloria (Kyra Sedgwick), dū ciucâ in dla suca, la dóna specialmènt ch'la gh'à in bras un bambulòt ciamâ Ethan ch'la créd èsar sò fiōl.
Mickey, ch'al gh'à sèg la pistòla druàda par la rapìna, al vōl liberàr la putìna ma pò chi lē la 'l mòrśga a 'n bras arbaltànd la situasiòṅ. Adès i èṅ i dū śōvan ch'i èṅ in perìcul parchè i dū śpóś i i vōlan far fóra.