Malo pelo
|
C'l artìcul chè 'l è scrit in
Miranduléś |
 Malo pelo
| ||
 Samuel Lange Zambrano in na figùra dal film | ||
| Brut cavìi 2013 | ||
|---|---|---|
| Regìa: Mariana Rondón | ||
| Scritōr: Mariana Rondón | ||
| Atōr: Samuel Lange Zambrano • Beto Benites Cristina Tovar • Nelly Ramos • Martha Estrada Samantha Castillo • María Emilia Sulbarán | ||
| Müsica: Camilo Froideval | ||
| Léngua: Spagnōl | ||
| Dürä dal film: 93 minüt | ||
| Nasiōṅ: Venesuéla • Perù Argentìna • Germàgna | ||
Malo pelo (Brut cavìi) 'l è 'n film dramàtic dal 2013 dla Mariana Rondón. 'L è stâ preśentâ a 'l Fèstival ad Turònt dal 2013 e 'l à vins la „Concha 'd Òr“ a 'l 61śum Fèstival di San Sebastiàṅ.
La pelìcula l'è stada prudóta par qvéi dla „Sudaca films“ e distribuìda par la „Figa films“.
Sunt
Junior (Samuel Lange Zambrano) 'l è 'n masćèṅ ad nóṿ an c'n i cavìi ris che lò però al n s cumpatìs pròpria briśa. Dòp che sò pàdar 'l è mòrt, al viṿ da par lò cun sò màdar Marta (Samantha Castillo), ch'l'à péna pardû 'l sò pòst ad guàrdia privàda, e sò fradèl pìcul, dit Bebé (Gabriel Guedez), in un palasòṅ ad Caràcas. Adès ch'l è drē tacàr la scóla, al vrév far-as na foto cuma la sò amìga vśina 'd cà (María Emilia Sulbarán), minga cuma 'n suldadèṅ ma faghénd la part 'd un cantànt, c'n i cavìi lis. Al prubléma 'l è che sò màdar la n gh'à mia i bèsi par pagàr al futógrafar (Wilfredo Tortosa).
Sò nóna, la Carmen (Nelly Ramos), la fà da tut par cuntintàr-al, briśa cuma sò nóra ch'la gh dà da spés adòs parchè la créd ch'al sia drē a dvintàr un fnucèṅ esénd ch'al dróa 'l sò tèmp par cantàr e par giustàr-as la patnàda dand-as dla majunéś, d'l òli e di óṿ in cô par drisàr chi cavìi lè tut rabî, inólt'r al pasa dimóndi tèmp c'n un ragàs più grand, Mario (Julio Méndez), ch'al śōga a basket e ch'al gh vénd di fulminànt. La Marta la 'l pòrta da 'n dutōr (Luis Domingo González) par dmandàr-ag di cunsìli ma lò al gh diś ch'l è tut a pòst, piutòst a sarév méj che lē, se pròpria la vōl far quèl, la s cumpagnìs cun 'n óm par dar-'g un punt ad riferimènt mént'r al crés. Junior al s rénd cònt che sò màdar la n gh vōl mia tant bèṅ par cum 'l è fat dabòṅ e p'r i sò interès, dònca al decìd ad dar-'g un taj cun la mùśìca. Quànd la Marta la gh diś ch'al gh'à da 'ndàr a star da sò nóna e la gh dà 'n machinèṅ lètric par tajàr-as via tut i cavìi, lò 'l al fà ma al gh diś ch'al n gh vōl mia bèṅ. Lē la gh rispónd «Gnanca mè».