Madóna su 'l scranòṅ insém a i sant Śvan Evangelìsta e Gregòri Taumatûrg
|
C'l artìcul chè 'l è scrit in
Miranduléś |
La Madóna su 'l scranòṅ insém a i sant Śvan Evangelìsta e Gregòri Taumatûrg 'l è 'n dipìnt a òli e téla (283x185 cm) fat in dal 1629 da 'l pitōr emigliàṅ Giovanni Francesco Barbieri, dit „Al Guersèṅ“, su incàrag dal duca 'd Mòdna. Al s cata in dla Céśa 'd San Viśéns in dal séntar stòric ad Mòdna, in cōrs Canalgrànd 75.
Al quàdar al fà védar na Madóna sintàda su 'n scranòṅ ch'la guàrda 'd sóta San Śvan Evangelìsta e 'l véscuv Gregòri Taumatûrg in śnòć, cun darènt 'n angiulèṅ.
Al dipìnt, da 'l valōr ad sinc o siē migliòṅ 'd euro a dita dal crìtic 'd art fraréś Vittorio Sgarbi[1], 'l è stâ śgranfgnâ via in dla nòt dal 3 'd Agóst dal 2014 da 'n maruchèṅ p'r èsar purtâ 'd nascòst in dal sò paéś[2]. 'L è stâ pò catâ a Caśablànca in d'l Istâ 'd tri an dòp, tut mis mâł tant ch'i bèṅ culturài ad Róma i èṅ stâ custrét a 'n lavōr dimóndi difìcil par restauràr-al.
Culegamènt estéran
Nòti
- ↑ Mòdna, rubàda n'òpra dal Guersèṅ: „La pōl valēr fra i sinc e i siē migliòṅ“ Il Fatto Quotidiano, 13 'd Agóst dal 2014
- ↑ Guersèṅ rubâ a Mòdna, al làd'r al patéśa dū an Il Resto del Carlino, 5 ad Favràr dal 2019