Luigi de Magistris

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Luigi in na fóto da 2009


Luigi de Magistris (Nàpuli, 20 ad Śugn dal 1967) 'l è 'n pulìtic e èx magistrâ itagliàṅ, sìndig ad Nàpuli. In dal 2015 'l à dâ vita a 'n partî pulìtig suo, ciamâ “Demucrasìa Autunumìa” (DemA), méntar prima 'l éra 'n espunènt dl'Itàglia di Valōr 'd Antonio Di Pietro (2009-2012) e dal Muimènt Aransòṅ (2012-2017).

Al gh'à 'n squantèr'n ad scutmàj cuma “Giggino a manetta” (Giggino parchè da 'l sò bandi i Luigi i èṅ dit Giggino e manetta parchè a s dgiva ch'al li druìs facilmènt), “o skipper”, “o scassatore”, “a promessa” e “guappo e mammete”.

Biugrafìa

Diplumâ a 'l Vomero (51/60) e laureâ in Giurisprudénsa (cun 110 e lôd), in dal 1993 Luigi al taca a far al magistrâ acsè cuma sò pàdar, sò nunòṅ e 'l pàd'r ad sò nunòṅ.

de Magistris (a sinìstra) tòlt śò in dal 2011

Da 'l 1998 a 'l 2002 al lavóra in dla Prucùra dla Repùblica 'd Nàpuli, pò al s trasferìs a 'l Tribunàł 'd Catanśàr faghénd-as cgnósar p'r al sò indàśin Puśeidòṅ, SbP e Why not.

In dal 2009 al decìd 'd candidàr-'s a gl'elesiòṅ p'r al parlamènt européo, vgnénd elèt in dla circuscrisiòṅ Nòrd-Èst (qvéla dl'Emìglia-Rumàgna) par l'Itàglia di Valōr, pò al dvènta sìndig ad Nàpuli in dal 2011 vinsénd al balutàǵ c'n al candidâ 'd sèntar-dèstra Gianni Lettieri c'n al 65,37% di vōt. de Magistris al fà àtar tant anc in dal 2016 baténd Lettieri a 'l secónd tùran muciànd sù al 66,85% 'd preferénsi.

'L à scrit tri lìbar: Giustizia e potere (2009), Assalto al PM. Storia di un cattivo magistrato (2010) e La città ribelle: Il caso Napoli (2017).

Culegamènt estéran