Ludrèt

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

Un ludrèt da cuśèina ed plàstica.
Un ludrèt apósta p'r impinìr di vaśèt ed marmelèda.
Un ludrèt per travaśèr dl óli da mecànic.

Al ludrèt (luddra, lōdra), ciamê anca dvinêl (imbuto in itagliàṅ) 'l è cla manéra 'd travaśèr di lìquid da 'n cuntenidōr drìt drìt dàint'r in 'n èter ch'a s à da tgnìr strìc lè 'd sòta, sàinsa śbrudacèr gnint in gîr.
'L è fât c'ma na trumbèta cun la pêrt più lèrga ch'la ciàpa i lìquid ch'a s egh bùta dèinter, per sfrucèr-i pò fìt fit precîś dàint'r in 'n èter cuntenidōr ch'al gh'àpia anca la bòca cinèina.

Al dè 'd incō i ludrèt i s caten ed plàstica dapertùt, mo na volta i ér'n ed lègn o 'd teracóta, c'ma la luddra, ch'la gniva còmda per sfrucèr i vèin dàint'r in del só bòti ed lègn.

'L à anc ciapê al nòm ed ludròun[1] al megàfon, che difât al gh'à la stèsa fórma dal ludrèt, anc se più in dal grôs e mìa per ciapèr di lìquid.

Manéri 'd dìr

  • (EGL) Bèver, magnèr c'ma 'n lùder[2], (IT) (lett.) Bere, mangiare come un ludro[3], (fig.) Bere, mangiare moltissimo[4].
  • (CARPŚ) Dróva la luddra[5] atâc a cla bòt! (fig.) Adopera l'imbuto, vicino alla botte (del vino)!
  • (CARPŚ) S't vō ch'i 't sèinten, ciacàra in dal dvinlòun, (IT) (lett.) Se vuoi che ti sentano, parla dentro al megafono[6].

Vōś lighèdi

Èter progêt

Colegamèint estèren

Noti e referèinsi

  1. (CARPŚ) e (IT) Dizionario del dialetto carpigiano, ed Grasiàn Malagóli e Anna Marìa Ori, Mòdna 2011.
  2. (IT) La spiegasiòun ed "lùder" in sìm'a 'l sit melegnano.net.
  3. (IT) Al lùder spieghê in sìm'a 'l vucabulàri Treccani.
  4. (CARPŚ) e (IT) Dizionario del dialetto carpigiano, G. Malagoli e A. M. Ori, Mòdna 2011.
  5. Ibidem.
  6. Ibidem.