Luci nella notte
|
C'l artìcul chè 'l è scrit in
Miranduléś |
 Feux rouges
| ||
| Luci nella notte | ||
 La Carole Bouquet in na figùra dal film | ||
| Luś in dla nòt 2004 | ||
|---|---|---|
| Regìa: Cédric Kahn | ||
| Scritōr: Georges Simenon • Cédric Kahn Laurence Ferreira Barbosa • Gilles Marchand | ||
| Atōr: Jean-Pierre Darroussin • Carole Bouquet Vincent Deniard • Jean-Pierre Gos • Charline Paul | ||
| Müsica: Arvo Pärt Johannes Brahms • Claude Debussy | ||
| Léngua: Francéś • Sèrb-Cruàt • Ingléś | ||
| Dürä dal film: 105 minüt | ||
| Nasiōṅ: Frància | ||
Luci nella notte (Luś in dla nòt) 'l è 'n film dramàtic francéś dal 2004 ad Cédric Kahn trat da 'n rumànś ad Georges Simenon.
Custâ sinc migliòṅ e tri ad dòlar, al film al 'n à pò fat sù dū e quàtar.
Sunt
Antoine (ean-Pierre Darroussin), agînt 'd asicurasiòṅ ad Parì, e sò mujēr Hélène (Carole Bouquet) i èṅ drē a partìr par na vacànsa in dal sud dla Frància mo prima i gh'aṅ da pasàr par Tours par tōr i sò fiōi. Cal dòpmeśdè 'd Istâ lè però al n taca minga tant bèṅ parchè prima la dóna la riva in un ritàrd spavintóś a 'l apuntamènt ch'i s éran dâ in un bar e pò a gh'è dal tràfic e di lavōr in cōrs in autostràda ch'i fànan vgnir al narvóś a Antoine ch'al decìd ad tajàr śò par far na strada 'd campàggna. L’Hélène la salta sèmpar sù par dar-ag cóntar, par rinfaciàr-ag ch'l à śbaliâ strada e ch'al và tròp fòrt, śibénd-'g ad guidàr lē invéci.
I dū s bèc'n ad cuntìnuv e, durànt na sòsta par pisàr, la sgnōra la decìd 'd andàr via par sò cònt e 'd tōr al trêṅ, lasànd un bijét in màchina, śmursànd al telefunèṅ p'r a n èsar minga fiacàda da lò. Antoine, ch'l è anc mèś ciùc parchè durànt al dè 'l iva alvâ tròp al gòmat faghénd incasàr sò mujēr, al decìd 'd andàr a la stasiòṅ par pascàr-la ma al n la cata briśa. Durànd la nòt 'l óm al dà 'n pasàǵ a 'n tisi incruśâ a 'l bar che, durànt al viàś, a s capìs ès'r un delinquènt scapâ via da parśòṅ, Chris (Vincent Deniard), tant che la pulisìa la 'l pésca dapartùt cun di pòst ad blòc.