Lorenzo Perosi

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

Al bùst ed Don Lurèins Perosi in dla sitè 'd Tortôna
Al Mìster Peròsi cun al sô còr ed ragasô cèreg in dla Sistìna a Ròma

Lorenzo Perosi (Tortona 1872 - Ròma 1956), cumpusidōr e organìsta, 'l imparèva la mùśica prìma da só pèder Giusèpe, Mìster ed Capèla in dal Dôm ed Tortóna, pò al perfesiunèva i sô stùdi in dal Cunservatòri ed Milàn e anca a Ratisbóna, sèinter internasionèl dla mùśica sàcra. A deśdòt an al dvintèva organìsta in dl'abasìa 'd Muntcasèin. In dal 1894 al tulìva i ordin sacerdotē e in dal 1895 al dvintèva Mìster ed Capèla 'd Imola po' anca ed S. Marc in Venésia. Al pèpa Leòun XIII 'l al numinèva diretôr dla Capèla Sistìna indû al gh' armagnìva infìn a la mòrt. La só produsiòun la cumprènd dimòndi uratòri, sinquantadù Mèsi, e di èter sintunêr ed pês sacher.