Lock & Stock - Pazzi scatenati

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg Lock, Stock and
Two Smoking Barrels
Lock & Stock - Pazzi scatenati
Lock e Stock.png
Vinnie Jones in na figùra dal film
Lock & Stock - Mat scadnâ
1998
Regia: Guy Ritchie
Scritùr: Guy Ritchie
Peter Cattaneo • John Rogers
Atùr: Jason StathamJason FlemyngSting
Vinnie JonesDexter FletcherPeter McNicholl
Nick MoranSteven MackintoshLenny McLean
Müsica: David A. Hughes
John Murphy • Iggy Pop
Lengua: Ingléś
Dürä dal film: 107 minüt
Nasiòṅ: Régn Unî


«
Agresìṿ? Traśgresìṿ? Dimóndi da piò...»
(Tagline dal film)


Lock & Stock - Pazzi scatenati (Lock & Stock - Mat scadnâ) 'l è na cumèdia 'd asiòṅ dal 1998 ad Guy Ritchie, chè a 'l sò debùt dòp al curtumetràǵ “The Hard Case” dal 1995.

La pelìcula l'à fat sù da piò ad vint-i-òt migliòṅ ad dòlar dòp ès'r-an custàda sōl òṅ e tri.

Sunt

Quàt'r amìg ad Lóndra, Bacon (Jason Statham), Tom (Jason Flemyng), Soap (Dexter Fletcher) e Eddie (Nick Moran) i mét'n insém vintsìnc-mila sterlìni a tèsta par muciàr-an sù sènt-mila ch'i sarvìsan par cumpàr un tàvul da poker da Harry dit “al Manarèṅ” (P. H. Moriarty), boss dla malavìda dal pòst e c'n al maṅ in dal mónd dal pòran.

Cuntànd su la bravitù 'd Eddie in dal śōg dal carti, i quàt'r i spéran ad far sù dimóndi bèsi facilmènt sénsa savēr che Harry, cun 'l ajùt dal sò bras dèstar Barry dit “al Batìsta” (Lenny McLean), 'l à decìś 'd imbrujàr-i. Cun na caméra ch'la 'l tira śò ad nascòst, Harry al sà tut' al carti ch'al gh'à in maṅ Eddie dònca al vins sèg sincsènt-mila sterlìni da purtàr-'g in dal gir dna stmana o sinò pèś par lōr.

Spavintâ e sénsa savēr cuma far par catàr i bèsi ch'a gh vōl, i quàt'r i nàśan ch'i sò vśèṅ ad cà, na banda c'n a cap Dog (Frank Harper), i gh'aṅ da far un cōlp a i dan ad soquànt śmarciadōr ad marijuana. Ma 'l tèmp al cur: Big Chris (Vinnie Jones), óm 'd Harry, al s fà viṿ c'n al pàdar 'd Eddie, J (Nicholas Rowe), par dir-ag ciàr e tónd che s'i n càtan briśa i bèsi in présia, al gh cuparà sò fiōl.

Culegamènt estéran