Lo squalo 2
|
C'l artìcul chè 'l è scrit in
Miranduléś |
 Jaws 2
| ||
| Lo squalo 2 | ||
 Roy Scheider in na figùra dal film | ||
| Al squâl 2 1978 | ||
|---|---|---|
| Regìa: Jeannot Szwarc | ||
| Scritōr: Peter Benchley Carl Gottlieb • Howard Sackler | ||
| Atōr: Roy Scheider • Murray Hamilton • Barry Coe Lorraine Gary • Joseph Mascolo • Jeffrey Kramer Collin Wilcox Paxton • Mark Gruner • John Dukakis | ||
| Müsica: John Williams | ||
| Léngua: Ingléś | ||
| Dürä dal film: 116 minüt | ||
| Nasiōṅ: Stat Unî | ||
Lo squalo 2 (Al squâl 2) 'l è 'n film ad scarésa americàṅ dal 1978 ad Jeannot Szwarc ségut dla pelìcula Lo squalo dal 1975 ad Steven Spielberg, òpra ch'la tulìva spunt da 'n lìbar ad Peter Benchley ch'al cuntàva di fat sucès in dal 1916, gl'atàc ad soquànt squài in dal New Jersey.
In dal 1983 e in dal 1987 la Universal Pictures l'à fat vgnir fóra àtar dū capìtui dla saga, sénsa però 'l prutagunìsta Roy Scheider: Lo squalo 3 e Lo squalo 4 - La vendetta.
Sunt
Al cap dla pulisìa d'l Ìśula 'd Amity, Martin Brody (Roy Scheider), e 'l sò vice Hendricks (Jeffrey Kramer) i gh'aṅ da far i cònt cun di atàc 'd un squâl ch'al s è mis a masàr i turìsta in dal mâr. La biòluga Elkins (Collin Wilcox Paxton) la cunférma che cal pés chè al và fóra 'd tèsta quànd al sènt dal sànguv, di stus o di muimènt.
Al sìndig Vaughn (Murray Hamilton) e 'l cunsìli cumunàł però i n crédan minga a la denùnisa 'd Brody anc parchè saràr la spàgia al n è minga 'n bèl fat p'r al turìśum e anc 'l impresàri Len Peterson (Joseph Mascolo) al taca a dar-ag cóntar.
Dòp èsar stâ licensiâ, Martin al decìd listés ad purtàr avànti la sò guèra a cla bistiàsa là tut da par lò.