Lo spettro (film 1963)
|
C'l artìcul chè 'l è scrit in
Miranduléś |
 Lo spettro
| ||
.png) La Steele e Peter Baldwin in na figùra dal film | ||
| Al fantàśma 1963 | ||
|---|---|---|
| Regìa: Riccardo Freda | ||
| Scritōr: Oreste Biancoli • Riccardo Freda | ||
| Atōr: Barbara Steele • Peter Baldwin • Elio Jotta Harriet Medin • Umberto Raho • Carlo Kechler | ||
| Müsica: Franco Mannino | ||
| Léngua: Itagliàṅ | ||
| Dürä dal film: 97 minüt | ||
| Nasiōṅ: Itàglia | ||
Lo spettro (Al fantàśma) 'l è 'n thriller gòtic dal 1963 ad Riccardo Freda ch'al s firma però cuma Robert Hampton.
La pelìcula l'à tòlt spunt, minga ufisialmènt, da 'l rumànś La vecchia poltrona ad Pino Belli, vgnû fóra dū an prima par la culàna «I racònt ad Dràcula». Distribuida in di cìnema par Dino De Laurentiis, in alóra l'à fat sù sènt-stantasìnc migliòṅ ad franc in Itàglia.
Sunt
In dal 1910 in Scòsia al dutōr John Hichcock (Elio Jotta) 'l è custrét a vìv'r in na scrana a rudèli dòp ès'r armàś paraliśâ a 'l gambi. A jutàr-'l a gh pénsa la sò guernànta, la Catherine Wood (Harriet Medin), e 'l dutōr Charles Livingstone (Peter Baldwin) che, 'd acòrd sèg, al próa na cura sperimentàla dand-'g un vlèṅ e pò subìt dòp 'l antìdut. Al prucedimènt, piàn piàṅ, al pâr funsiunàr in na quàlc manéra.
La mujēr più śōvna dal sgnōr Hichcock, la Margaret (Barbara Steele), la gh'à na relasiòṅ in segrét c'n al dutōr Livingstone. Chi lē la n s cumpatìs piò sò marè e na sira la dmanda a 'l sò amànt ad masàr John dand-ag sōl al vlèṅ, acsè da psēr vìv'r insém c'n i sò bèsi. P'r amōr 'l óm al gh'astà.
Quànd l'è óra 'd lèś'r al testamènt, la còpia criminàla la vîṅ a savēr ch'al dutōr Hichcock al 'l iva péna cambiâ par lasàr i dū tèrs di sò bèṅ mòbii, mis via in casafòrt, a la céśa e a 'l prevòstar Owens (Umberto Raho). Esénd che la ciàṿ la n s cata mia, Charles e la Margaret i la vàn'n a pascàr in dal paltò dal cadàvar. Dòp avēr avèrt la casa da mòrt a 'l campsànt, i la càt'n in dla sò bisàca. Quànd i tórnan a cà, i védan però ch'la casafòrt l'è vōda. Cuma s'a n fus minga abàsta a taca a saltàr fóra 'l fantàśma dal mòrt.