Lo specchio scuro

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg The Dark Mirror
Lo specchio scuro
Specchio scuro.png
L'Olivia de Havilland in na figùra dal film
Al spèć scûr
1946
Regia: Robert Siodmak
Scritùr: Vladimir Pozner
Atùr: Olivia de HavillandLew AyresRichard Long
Thomas MitchellCharles EvansLester Allen
Müsica: Dimitri Tiomkin
Lengua: Ingléś
Dürä dal film: 85 minüt
Nasiòṅ: Stat Unî


«
Quànd al l'à badśàda cuma n'asasìna... e 'l à tòlt la sò śmèla in di bras... saìva'l dabòṅ chi fus-la?»
(Tagline dal film)


Lo specchio scuro (Al spèć scûr) 'l è 'n film noir dal 1946 ad Robert Siodmak girâ in biànc e négar. La sò senegiadùra uriginàla, scrita par Vladimir Pozner, l'è stada candidàda a i Prèmi Òscar dal 1947.

La prutagunìsta Olivia de Havilland la fà 'l part dal dū śmèli, la Terry e la Ruth.

Sunt

La Terry e la Ruth Collins (Olivia de Havilland) i èṅ dū śmèli cumpàgni in d'l aspèt ma minga in dal caràtar. La prima l'è fréda, furba stramaladìda e l'è bòna ad far bèṅ i sò cont su tut, la secónda invéci l'è dólsa e la lasa andàr i quèi sénsa mét'r-ag bèc. Quànd la pulisìa la pésca una dal dū, parchè parsuàsa ch'l'àppia masâ un dutōr tirànd-ag na scurtlàda in dal cōr, la s cata in di guài parchè la n è minga bòna ad tōr qvéla giùsta.

Al tenènt Stevenson (Thomas Mitchell) al gh'à da 'ndàr-'g a fónd e par far-al al ciàma in ajùt al psicanalìsta Scott Elliott (Lew Ayres), ch'al taca a far-ag dal dmandi tri vòlti a la stmana, cun anc di test ad Rorsharch. C'n al tèmp però al dū dóni i s lìgan dimóndi a 'l dutōr e anc chi lò al taca a inamuràr-as dla Ruth. Sò surèla, da sèmpar gelóśa 'd lē, la fà in manéra ad cuciàr-la vèrs al suicìdi, cuntànd-ag la bala ch'la taca a 'vér-ag di ségn ad matéria.

Par savér pò cuśa 'l pénsa 'd lē Scott la và na sira a cà sua faghénd finta 'd èsar la sò śmèla. Mént'r i dū i dascóran, a riva na telefunàda: 'l è Stevenson ch'al gh diś che la Ruth la s è cupàda dabòṅ.

Culegamènt estéran