Lettra o Agliò
|
C'l artìcol chè 'l è scrit in
Carpśàn |
Al śōg dla Lettra o agliò l'è na manéra 'd pasèr-'s al tèimp di ragasōl quand i gh'àn in bisàca dal fifi.
Cum'a s śōga
I ragasōl i gh'àn ciascùn al só masèt ed figurèini. A turen i gh'àn da lasèr-i caschèr ùn'a ùna per tèra a partìr da pugèdi un mumèint atâc a 'n mùr: caschènd per tèra, la figuràina la s mettrà 'd in fàcia o 'd schìna (la ghìgna la srèv 'l Agliò, a dìr al "liòun", mèinter che la schìna la srèv la Lettra, cun tùti chel scrìti ch'a gh'è sàimp'r a l'arvèrsa dal figurèini), e a s pruarà 'l ùn cun c'l èter a indvinèr al cô 'd cuma la figuràina la cascarà.
Chi vins al ciàpa volta per volta la figuràina che c'l èt'r al perd, e via acsè fin ch'a n's è stùf o che la mama la n'ciàma[1].