Les fruits de la passion
|
C'l artìcul chè 'l è scrit in
Miranduléś |
 Les fruits de la passion
| ||
 L'Isabelle Illiers in na figùra dal film | ||
| I frut dla pasiòṅ 1975 | ||
|---|---|---|
| Regìa: Shūji Terayama | ||
| Scritōr: Dominique Aury Shūji Terayama • Rio Kishida | ||
| Atōr: Klaus Kinski • Isabelle Illiers • Miyuki Ono Pîtâ • Arielle Dombasle • Kenichi Nakamura | ||
| Müsica: J.A. Seazer | ||
| Léngua: Francéś • Ingléś • Giapunéś • Cinéś | ||
| Dürä dal film: 83 minüt | ||
| Nasiōṅ: Frància • Giapòṅ | ||
Les fruits de la passion (I frut dla pasiòṅ) 'l è 'n film eròtic francéś e giapunéś dal 1975 ad Shūji Terayama trat da 'l rumànś umònim dal 1954 dla Pauline Réage. A s trata d'n arfacimènt dna pelìcula dal 1975 cun la Corinne Cléry, Histoire d'O.
Sunt
A 'l inìsi di an Vint, l’O (Isabelle Illiers) l'è na śōvna francéśa schisa inamuràda 'd un vèć ingléś, Sir Stephen (Klaus Kinski). Cuma próa 'd amōr, chi lò al la pòrta a lauràr a gràtis in un caśèṅ 'd Hong Kong ciamâ La Maison des Fleurs 'd pruprietà dla Madame (Pîtâ). A 'l óm a gh piàś pròpria védar-la gusàda da tut e 'l gh fà firmàr un cuntràt ch'la dóna l'acèta vluntéra.
L’O la taca acsè a far la putàna cumpàgn a 'l sò culéghi Aisen (Keiko Niitaka), Sakuya (Sayoko Yamaguchi), Byakuran (Hitomi Takahashi) e Obana (Akiko Suetsugu). Cuma s'a n fus minga abàsta Stephen al decìd ad far sès cun na sò amànta, la Nathalie (Arielle Dombasle), davànti a i sò òć.
Quànd in séguit un ragasōl dal pòst (Kenichi Nakamura) al gh la cava a catàr sù di bèsi abàsta p'r andàr in dal caśèṅ a far-'s-la, la O la gh cata gust dabòṅ e Stephen al capìs ch'al l'à pardùda o fórsi nò.