Legacy (film 2015)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Legacy
Legacy (film 2015).png
Franz Drameh e l'Amy Tyger in na figùra dal film
Eredità
2015
Regia: Davie FairbanksMarc Small
Scritùr: Davie Fairbanks • Marc Small
Atùr: Franz DramehAmy TygerMcKell David
Jacob ChapmanAkshay KumarAlex Lanipekun
Müsica: Tom Linden
Lengua: Ingléś
Dürä dal film: 95 minüt
Nasiòṅ: Régn Unî


«
A gh cala na stmana a la fèsta dal sècul. Csa farév-at tè p'r èsar mis in dla lista?»
(Tagline dal film)


Legacy (Eredità) l'è na cumèdia vulgaròta britànica dal 2015 ad Davie Fairbanks e 'd Marc Small ch'i l'aṅ anc scrita.

Sunt

La discutéca Chrome 'l è 'l pòst più fîg dla sità 'd Lóndra e adès al pruprietàri Damien Chase (Steven Cree) 'l è drē a urganiśàr-ag na fèsta 'd c'l àtar mónd e tut i śōvan i vrévan tōr-ag part. Anc Sean (Franz Drameh) al decìd 'd èsar dla partìda acsè cuma i sò amìg, al ciciòṅ Ben (Jacob Chapman), al ciòcapiàt TJ (McKell David), 'l prim dla clas sfigâ Cam (Akshay Kumar) e la masćiùsa Dani (Amy Tyger) ch'la spartìs 'l apartamènt cun na sò amìga ciamàda Yasmin (Olivia Chenery) ch'la gira sèmpar nuda par cà.

Quànd i sinc i rìv'n a la casa di bijét dla discutéca, e Sean al śibìs i sò ducumènt par far védar ch'i èṅ “grand”, a riva Damien ch'al gh diś che na vòlta 'l andàva a scōla cun sò fradèl Alex (Alex Lanipekun) mo a s véd ch'i s éran daśgustâ in alóra parchè pò al gh tira 'n casòt e 'l fà in manéra ch'i sò śbat-fóra i i pàran via.

Par vindicàr-as, Sean e 'l sò grup i decìd'n ad métar-'s cónt'r a 'l Chrome, dand vita a 'n evènt ciamâ “Legacy”, tulénd in afìt un capanòṅ par siē-mila sterlìni. I sò sacrifìsi i gh'aràṅ sucès anc parchè quànd at muć sù dla mùśica cool e dla figa 't à bèla fat mità dal lavōr.

Culegamènt estéran