Le nozze di Muriel
|
C'l artìcul chè 'l è scrit in
Miranduléś |
 Muriel's Wedding
| ||
| Le nozze di Muriel | ||
 La Toni Collette in na figùra dal film | ||
| Al nòsi dla Muriel 1994 | ||
|---|---|---|
| Regìa: P. J. Hogan | ||
| Scritōr: P. J. Hogan | ||
| Atōr: Toni Collette • Rachel Griffiths • Bill Hunter Jeanie Drynan • Daniel Lapaine • Dan Wyllie Gennie Nevinson • Pippa Grandison • Matt Day | ||
| Müsica: Peter Allen | ||
| Léngua: Ingléś | ||
| Dürä dal film: 106 minüt | ||
| Nasiōṅ: Austràglia • Frància | ||
Le nozze di Muriel (Al nòsi dla Muriel) 'l è na cumèdia austragliàna dal 1994 ad P. J. Hogan.
L'è stada preśentàda a 'l 47śum Fèstival ad Cannes, in dal sesiòṅ dla Quinzaine des Réalisateurs. Custàda nóṿ migliòṅ ad dòlar a 'l incìrca, la pelìcula la 'n à purtâ a cà pò quìndas.
La culòna sunóra dal film l'è impinìda dal canti di ABBA, al grup preferî dla prutagunìsta Muriel. I pès sarnî p'r al film i èṅ Dancing Queen, Mamma Mia, Waterloo, Fernando, e I Do, I Do, I Do, I Do, I Do.
Sunt
La Muriel Heslop (Toni Collette) l'è na ragàsa austragliàna ch'la viṿ cun la sò famìja a Porpoise Spit. L'è piutòst in carna e anc ingiangulàda. La pòrta avànti i sò ideài e la s pasa 'l tèmp scultànd la mùśica di ABBA in dla sò cambra da lèt, in dal méntar ch'la sóggna ad spuśàr-as cun un prìnsip aśùr. Sò pàdar Bill (Bill Hunter) 'l è 'n pulìtic curót ch'al la trata mâl e sò màdar Betty (Jeanie Drynan) l'à arbasâ da tèmp la crésta sèg, esénd tgnuda schisa.
Cun i prim bèsi catâ sù faghénd un lavursèṅ par l'amànta ad sò pàdar la s fà 'n viàś a Bali in dua la cata na sò vècia cumpàggna ad scóla, la Rhonda (Rachel Griffiths).
Turnàda a cà, par scapàr via da sò pàdar incasâ négar, la và a vìvar a Sydney in d'l apartamènt dla Rhonda, adatànd-as a far la cumésa in un negòsi ch'al dà al caséti vìddeo a nuléǵ.