Le colline hanno gli occhi (film 2006)
|
C'l artìcul chè 'l è scrit in
Miranduléś |
 The Hills Have Eyes
| ||
| Le colline hanno gli occhi | ||
.png) L'Emilie de Ravin in na figùra dal film | ||
| Al culìni i gh'aṅ i òć 2006 | ||
|---|---|---|
| Regìa: Alexandre Aja | ||
| Scritōr: Grégory Levasseur Alexandre Aja • Wes Craven | ||
| Atōr: Michael Bailey Smith • Emilie de Ravin Aaron Stanford • Dan Byrd • Ted Levine Tom Bower • Vinessa Shaw • Robert Joy | ||
| Müsica: Tomandandy | ||
| Léngua: Ingléś | ||
| Dürä dal film: 107 minüt | ||
| Nasiōṅ: Stat Unî • Frància • Rumanìa | ||
Le colline hanno gli occhi (Al culìni i gh'aṅ i òć) 'l è 'n film ad scarésa dal 2006 ad Alexandre Aja, arfacimènt dla pelìcula umònima 'd Wes Craven dal 1977. Al gh'à abû 'n séguit in dal 2007, Le colline hanno gli occhi 2.
Al film 'l à fat sù dagnóra stanta migliòṅ ad dòlar, dimóndi da piò di cóst fér'm a quìndas.
Sunt
Par festegiàr al nòsi 'd argìnt al pulisiòt in pensiòṅ Big Bob Carter (Ted Levine) e sò mujēr Ethel (Kathleen Quinlan) i decìdan 'd andàr in vacànsa in Califòrgna in roulotte. I vànan sèg i fiōi Bobby (Dan Byrd), al più piculèṅ, la Brenda (Emilie de Ravin) e la Lynn (Vinessa Shaw), la più granda, cumpagnàda par sò marè Doug Bukowski (Aaron Stanford) e par la sò putìna, la Catherine (Maisie Camilleri Preziosi).
Durànt al viàś la famìja la pasa p'r un pòst spardû in dal Mèsic Nóṿ in du 'l guèran di Stat Unî 'l iva fat da piò ad tarśènt esperimènt nucleàr da 'l 1945 a 'l 1962. Dascurénd c'n al pruprietàri dna stasiòṅ 'd rifurnimènt (Tom Bower), chi lò al gh cunsìglia 'd tajàr śò par na stradlìna in mèś a 'l deśèrt par scurtàr al parcōrs. Purtròp p'r i Carter lung la via a gh'è na trapla ch'la gh śbuśìs al gumi lasànd-i tut da par lōr in un teritòri ch'a n gh'è gnint a part giaròṅ, tèra séca e pólvra.
Big Bob al decìd ad turnàr indrē a pē par dmandàr ajùt a 'l benśinàr ma, quànd al riva là, 'l óm al s tira na sćiuptàda in dla ghigna.