Laurel Canyon (film)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Laurel Canyon
Laurel Canyon
Laurel Canyon (film).png
Nivola e la Beckinsale bcâ a lèt da Bale
id.
2002
Regia: Lisa Cholodenko
Scritùr: Lisa Cholodenko
Atùr: Frances McDormandNatascha McElhone
Christian BaleImaad WasifAlessandro Nivola
Lou BarlowRussell PollardMelissa De Sousa
Rick GonzalezKate BeckinsaleReef Karim
Müsica: Craig Wedren
Lengua: Ingléś
Dürä dal film: 103 minüt
Nasiòṅ: Stat Unî


«
Lung la via vèrs na vita parfèta a gh pōl anc èsar na quàlc śvultàda.»
(Tagline dal film)


Laurel Canyon (id.) 'l è 'n film dramàtic americàṅ dal 2002 scrit e dirèt par la Lisa Cholodenko. La prutagunìsta Frances McDormand l'à vins al prèmi par l'atōra più brava a 'l Fèstival ad Gijón dal 2003.

La pelìcula l'à fat sù in tut da piò ad quàtar migliòṅ e quàt'r ad dòlar.

Sunt

Sam (Christian Bale), dòp ès'r-as péna laureâ in neuropsichiatrìa, al decìd 'd andàr a lauràr in 'n uśdàł ad Los Angeles e 'l partìs par la Califòrgna insém a la sò muróśa Alex (Kate Beckinsale) ch'la fà la mèdaga anc lē e ch'l'è drē a far na téśi su i crumuśòma di musrèṅ. Cardénd che sò màdar Jane (Frances McDormand), prudutōra discugràfica, la sia andàda a star c'n al sò óm in dla cà ch'la gh'à a Malibù, lasànd libra la vila lung la strada 'd Laurel Canyon, quànd al riva Sam al créd ad catàr-la vōda mo invéci a n è mia acsè parchè la Jane l'è lè parchè la gh'à da finìr un disc cun soquànt sunadōr. Òṅ ad chi lōr 'l è anc al sò muróś 'd adès, al cantànt Ian McKnight (Alessandro Nivola), un śōvan ch'al gh'à séd'ś an ad méno. Ma la dóna la n s fà mancàr gnint e la gh'à anc n'amànta 'd culōr, la Claudia (Melissa De Sousa).

Méntar l’Alex la taca a pasiunàr-'s a 'l mónd artìstic dla Jane, la mòla lè la téśi par far-'s al cani e scultàr al registrasiòṅ dgénd la sua, Sam al dvénta amìg dna dutōra sò culéga, la Sara (Natascha McElhone). Na nòt, mént'r al sò muróś 'l è a 'l uśdàł ad tùran, l’Alex la finìs in pisìna cun la Jane e Ian e i faṅ un quèl a tri.

Culegamènt estéran