Laura non c'è (film)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Laura non c'è
Laura non c'è.png
Nek in na figùra dal film
La Laura la n gh'è minga
1998
Regia: Antonio Bonifacio
Scritùr: Gianfranco Clerici • Daniele Stroppa
Atùr: Nicholas RogersGigliola Aragozzini
Francesco ApolloniEleonora IvoneNek
Riccardo Serventi LonghiAngelo Longoni
AmadeusCloris BroscaAnna Maria Petrova
Federica PanicucciElisabetta Rocchetti
Marta FlaviLaura ChiattiFabrizio Casula
Müsica: Nek • David Sabiu
Lengua: Itagliàṅ
Dürä dal film: 90 minüt
Nasiòṅ: Itàglia


Laura non c'è (La Laura la n gh'è minga) l'è na cumèdia dramàtica dal 1998 'd Antonio Bonifacio ch'al tōś al tìtul da na canta dal 1997 dal sasuléś ad Nek ch'in dal film al fà anc un camèo acsè cuma Amadeus, la Marta Flavi, la Federica Panicucci e la Cloris Brosca, la sigàgna dla televiśiòṅ ch'la dasquaciàva la carta dla Luna Négra in dal prugràma La zingara. La prutagunìsta Gigliola Aragozzini, fiōla 'd Adriano Aragozzini, l'è pò mòrta 'd leucemìa tri an dòp a sōi vint-a-tri an.

Al film 'l è stâ prudót par la Gold Film e par la Star Comics, la cà umbra 'd fumét ch'la gh'iva da cuciàr in élt al persunàǵ ad Lazarus Ledd.

Sunt

Lorenzo (Nicholas Rogers) 'l è 'n disegnadōr ad fumét put ch'al viṿ in 'n apartamènt in afìt da Savini (Fabrizio Casula) ch'al fà fadìga a pagar, par furtùna ch'al gh'à la manéra 'd far dū ciàcri dal vòlti cun la purtinàra Maria (Cloris Brosca) e cun sò surèla Francesca (Anna Maria Petrova) ch'la gh'à 'l ciòld fis dal śmagrìr. Al gh'à 'n aquàri 'd pés rós e 'l lavóra par 'l editōr Lucenti (Angelo Longoni) insém a 'l sò amìg Luca (Francesco Apolloni) ch'al fà 'l senegiadōr e anc al “simpatigòṅ” ch'al sà tut lò dla vita e ch'al gh próa sèmpar cun cal dóni, anc cun la cantànta dal bar, la Stefania (Laura Chiatti).

Na sira Lorenzo al salva na ragàsa ciamàda Laura (Gigliola Aragozzini) ch'l'éra drē a ciapàr-i in strada e ch'la stà in dal palàs in frònt a 'l suo. Al śōvan al gh mét pôc a inamuràr-'s ad lē.

Dòp ch'i finìs'n a lèt Lorenzo al fà a mènt ch'in di bras dla ragàsa a gh'è di buś e 'l gh'à dla drugàda. Chi lē, ch'invéci la gh'à 'l diabēt, la s ufénd e la sparìs, in pôchi paròli la Laura la n gh'è minga, l'è andàda via.

Un dè a sòna a la sò pòrta al dutōr dla Laura, Marco Palmieri (Amadeus), par dir-ag ch'la ragàsa l'è dimóndi śò. In séguit, tut 'd un trat, la salta fóra incóra e la pasa na giurnàda a 'l parc insém a Lorenzo ma 'l è sōl 'n insùni dal śōvan parchè la Laura l'è mòrta a dir dabòṅ. Lorenzo al créd però ch'al sò spìrit al s sia rincarnâ in dal còrp dna gatìna biànca.

A s trata però tuta dna stòria 'd un fumét ciamâ Laura Swan disgnâ par Lorenzo, qvél véra (Nek).

Culegamènt estéran