Lady killer (docufiction)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Tvfilm.png Snapped
Lady killer
Lady killer (docufiction).png
Sgnōra sasìna
2004/2018
Gènar: Docufiction
Stagiòṅ: 22
Epiśòdi: 336
Regìa: Bob Hasentufel • Wesley Caylor • Erin Althaus
Scritōr: Matt Edens • Brian O'Connor • Geoffrey Proud
Atōr: Sharon MartinCurt WillisBrian Edward Keith
Mùśica: Brian Langsbard • Paul Jones • Eric Hester
Duràda: 24 (2004/2006) • 43 (2007-incō) minùt
Léngua: Ingléś
Nasiòṅ: Stat Unî


«
Bali, imbròj, inśgurdìśia, masamènt, muntàdi sù.»
(Tagline dal film)


Lady killer (Sgnōra sasìna) l'è na docufiction americàna dal canàł Oxygen ch'la dascór ad fat sucès dabòṅ ad sangṿ o 'd tintatìṿ ad masamènt, mis in òpra da dal dóni in di cunfrònt di sò spóś o di sò óm in generàł.

A s trata 'd dóni cun dal viti dasfurtunàdi, piciàdi o abuśàdi da di marè abituâ a cmandàr e a tgnir-li schisi, o anc mèśi ciucàdi in dla suca o inśgórdi e catìvi, sgnōri da la scurtlàda fàcila, raśdóri ch'i śibìs'n a i sò spóś di biscutèṅ o dal féti 'd tórta fat in cà cun dèntar dal vlèṅ, dunàsi malnéti cun 'l amànt ch'i vōl'n èsar libri 'd gusàr fargànd-'s-an dla famìja o parsòni sénsa cōr ch'i pènsan sōl a i bèsi.

Vist al sucès dal prugràma i èṅ stadi giràdi vint-a-dū stagiòṅ par tarśènt e pasa puntàdi in tut.

In Itàglia la série l'è traśmìsa p'r i canài dal grup Sky Italia cuma Crime Investigation e TV8.

In dal prugràma i persunàǵ dal stòri i èṅ interpretâ da di atōr e 'l vicéndi i èṅ cuntàdi in studi da di parènt o di amìg di prutagunìsta e da la giurnalìsta Sharon Martin ch'la fà 'l punt dla situasiòṅ.

A la fiṅ dla puntàda a s vîṅ a savēr anc quàl è stada la punisiòṅ dada da i giùdas p'r al crìmin fat parchè, anc s'la vita l'è dura e la cólpa la n è mai da na banda sōla, un masamènt 'l è sèmp'r un masamènt.

Culegamènt estéran