Labirinto mortale

Da Wikipedia.

C'l artìcul chè 'l è scrit in Miranduléś Emiliàn

The House on Carroll Street
Labirinto mortale

La Kelly McGillis in na figùra dal film
Labirìnt murtàł
1987
Regìa: Peter Yates
Scritōr: Walter Bernstein
Atōr: Kelly McGillisJeff DanielsMandy Patinkin
Jessica TandyJonathan HoganBrian Davies
Remak RamsayChristopher BuchholzBill Moor
Müsica: Georges Delerue
Léngua: Ingléś
Dürä dal film: 101 minüt
Nasiōṅ: Stat Unî


«
Lì lē la n saìva praticamènt gnint... Mo 'l éra bèla tròp.»
(Tagline dal film)


Labirinto mortale (Labirìnt murtàł) 'l è 'n thriller americàṅ dal 1987 ad Peter Yates girâ a New York.

Custâ quatórdas migliòṅ ad dòlar, al film al 'n à pò fat sù gnanc sincsènt-mila.

Sunt

Durànt al perìud dal macartìśum di an Sinquànta, l’Emily Crane (Kelly McGillis) la lavóra par la rivìsta Life Magazine. Esénd suspetàda 'd èsar na cumunìsta, parchè la s éra rifiutàda 'd testimuniàr davànti a 'l avucàt Ray Salwen (Mandy Patinkin) dal Cumitâ par gl'atività anti-americàni dla Cambra ch'al vliva savēr di nóm, la vîṅ licensiàda in quàt'r e quàt'r òt da 'l sò giurnàł. Par tiràr avànti la s adàta a far cumpagnìa e a lèśar a cà dna vècia, la sgnōra Venable (Jessica Tandy).

Un dè, méntar l'è fóra in giardèṅ a fumàr na cica, la fà a mènt ch'in dal vilèṅ lè darènt a gh'è na discusiòṅ animàda fra Salwen e 'n tisi ansiàṅ (Bill Moor) ch'al dascór sōl in tedésc. A far al tradusiòṅ a gh'è 'n śōvan ciamâ Stefan (Christopher Buchholz), 'n óm ch'l’Emily la cgnós bèla parchè la gh'iva dmandâ dgl'infurmasiòṅ quànd l'éra vgnuda a lauràr lè.

In séguit l’Emily la próa a tacàr butòṅ incóra cun Stefan parchè la in vrév savēr da piò ma acsè la mét in guàrdia 'l agìnt Cochran (Jeff Daniels) ch'al gh'à 'l incàr'g ad tgnir-la 'd òć par cònt d'l F.B.I.. A gh'è n'urganiśasiòṅ ch'l'è drē a far vgnir ad nascòst in di Stat Unî di naśìsta, druànd di nóm 'd ebrèj tedésc mòrt, par cònt e a vantàś 'd un senadōr (Michael Flanagan). Salwen 'l è òṅ di sò óm.

Culegamènt estéran