La vendetta del ragno nero (film 2001)
|
C'l artìcul chè 'l è scrit in
Miranduléś |
 Earth vs. the Spider
| ||
| La vendetta del ragno nero | ||
.png) La Theresa Russell in na figùra dal film | ||
| La vindéta dal ragn négar 2001 | ||
|---|---|---|
| Regìa: Scott Ziehl | ||
| Scritōr: Mark 'Crash' McCreery • Chuck Konzelman Cary Solomon • Max Enscoe • Annie DeYoung | ||
| Atōr: Devon Gummersall • Christopher Cousins Dan Aykroyd • Amelia Heinle • Theresa Russell Mario Roccuzzo • John Cho • Randall Huber Michael Keenan • Ted Rooney • Dan Martin | ||
| Müsica: David Reynolds | ||
| Léngua: Ingléś | ||
| Dürä dal film: 90 minüt | ||
| Nasiōṅ: Stat Unî | ||
La vendetta del ragno nero (La vindéta dal ragn négar) 'l è 'n film ad scarésa par la televiśiòṅ dal 2001 ad Scott Ziehl.
La pelìcula la fà part 'd un prugèt dla Cinemax dal 2001 ciamâ “Creature Features” (batśâ “Al criatùri dal śgriśōr” in Itàglia) ch'la cumprindìva anc àtar quàtar lavōr: Lei, la creatura (She Creature), Il giorno in cui il mondo finì (The Day the World Ended), Il mostro oltre lo schermo (How to Make a Monster) e Adolescente delle caverne (Teenage Caveman).
Sunt
Quentin Kemmer (Devon Gummersall) 'l è 'n śōvan timuróś ch'al lavóra insém a 'l sò amìg più grand Nick Bezis (Mario Roccuzzo) in un sèntar ch'al fà dal risérchi e di esperimènt su i ragn. Al ragàs 'l è inamurâ dla sò vśina 'd cà ch'la studdia da infarméra, la Stephanie Lewis (Amelia Heinle), ma 'l n gh'à mai 'l curàǵ ad far-'s avànti. Par cóntar Quentin al gh'à la pasiòṅ p'r i fumét di super-eróe, specialmènt qvéi dal Vendicadōr Aràcnid, tant ch'l à ciamâ 'l sò cagnulèṅ Thor.
Na sira, durànt na rapìna in dal laburatòri, di làd'r i màsan Nick e Quentin al decìd ad tōr un siēr in lavurasiòṅ cun di estràt 'd un ragn dimóndi fòrt. A tgnir adrē a gl'indàśin a riva 'l ispetōr Jack Grillo (Dan Aykroyd) ch'al gh'à di prubléma a lèt tant che sò mujēr, la Trixie (Theresa Russell), la gh mét i còran c'n al pulisiòt Williams (Christopher Cousins).
Piàṅ pianèṅ Quentin al taca a trasfurmàr-'s in un ragn, ciapànd la sò fòrsa ma anc na fam ad carna umàna, esénd anc bòṅ ad sparàr fóra na tlaréda da 'n buś ch'a gh'è vgnû subìt sóta 'l pèt.