La signora ammazzatutti

Da Wikipedia.

C'l artìcul chè 'l è scrit in Miranduléś Emiliàn

Serial Mom
La Signora Ammazzatutti

La Mary Jo Catlett e la Turner in na figùra dal film
La Sgnōra Masatùt
1994
Regìa: John Waters
Scritōr: John Waters
Atōr: Kathleen TurnerTraci LordsRicki Lake
Walt MacPhersonPatsy Grady Abrams
Joan RiversJustin WhalinMary Jo Catlett
Sam WaterstonMatthew LillardMink Stole
Scott MorganPatricia DunnockJohn Badila
Lonnie HorseyKathy FannonDoug Roberts
Müsica: Basil Poledouris
Léngua: Ingléś
Dürä dal film: 95 minüt
Nasiōṅ: Stat Unî


«
Quànd Beverly Hills la fà 'n surìś a gh'è pôc da star alégar...»
(Tagline dal film)


La signora ammazzatutti (La sgnōra masatùt) 'l è na cumèdia négra dal 1994 ad John Waters.

Al film, preśentâ fóra cuncōrs a 'l 47śum Fèstival ad Cannes, 'l à fat sù sèt migliòṅ e òt ad dòlar dòp ès'r-an custâ trédas. Ín aertüra dèl cínema , sà afèrma ché la pélìcula lè ispiràda à öna stòria éra , mà én séguet lè stái zméntìt dízènd ché l'éra dóma öna tróàda públìcitária.

Sunt

La Beverly Sutphin (Kathleen Turner), a na prima vduda na màd'r ad famìja ch'a n s pōl dir gnint e brava raśdóra, l'è invéci na dóna dasturbàda e ch'la gh'à di prubléma in tèsta. La tîṅ a drē a la perfesiòṅ a i fat in cà e la taca piàn piàṅ a far fóra tut quéi ch'i s mét'n in mèś a i sò interèsi, sénsa di mutìṿ vàlid ma par di quèi da pôc. Arcgnusùda da na sò vśina ad cà, la và a prucès, dvintànd un fenòmen mediàtic ma la gh la cava listés a scampàr-la.

Al vitmi

Persunàǵ Manéra ad cupàr Parchè la i à fat fóra Sit
Pruf. Paul Stubbins Mis sóta dū vòlti cun la màchina (la secónda andànd a marcindrē) 'L iva cunsiliâ a la Beverly ad purtàr sò fiōl Chip da un psicòlug parchè, avénd la manìa di film ad scarésa, al fava a scóla dimóndi diségn pîṅ ad viulénsa Parchéǵ dla scóla
Carl Pageant Insfilsâ in dla schina da 'n spròc p'r al fōg ch'al gh tira via anc un rèṅ Carl, muróś ad sò fiōla Misty, al vèṅ vist da na Beverly lugàda a pòsta a far al galét cun n'atra ragàsa Lìcit di masć dal marcâ di piōć
Betty Sterner Scurtlàda da na fòrbśa da cuśìr Beverly, esénd còntra i masamènt dal bèsti, la s arlìa vdénd la Betty magnàr da luvóna di uślèṅ aròst Cambra da lèt dla Sterner
Ralph Sterner Schisâ da 'n cundisiunadōr dl'ària butâ śò da i piàṅ élt dna cà Esénd un pasiènt ad Eugene, al marè dentìsta ad Beverly, al fà pèrdar par na casàda n'andàda fóra pinsàda da tèmp a la Beverly e lē la gh tgniva paréć Giardèṅ ad cà Sterner
Mrs. Jenson Culpìda a ripetisiòṅ da na còsa 'd agnèl La n in vliva savér ad pagàr na multa da gnint p'r avér dâ indrē na caséta VHS tòlta a nuléǵ cun la bubìna minga anvlupàda bèṅ in dal negòsi in du al lavóra Chip. Vdénd che chi lò al n dava minga péś a 'l sò scuśi, arliàda la la pagàva dgénd «ca-i che i bèsi, fiōl dna masadóra» ma la n saìva minga che la Beverly l'éra drē a scultàr, in dal dadrē dla butéga Tinèl ad cà Jenson
Scotty Barnhill Culpî da 'n impiànt ad luś che pò al ciapa fōg sóta i sprus dna bumbuléta ch'la fà dal vampi e pò bruśâ incóra da piò da una dal grup Camel Lips (L7) Testimòṅ d'l umicìdi dla sgnóra Jenson da part ad Beverly che, par dasfurtùna sua, la 'l iva vdû Palc d'l Hammerjack's Concert Hall

A qvisti vitmi chè a s pōl śuntàr la mémbra dla giurìa n.8 ch'la patìs dimóndi cólp adòs ad na curnéta dal telèfun pùblic dal tribunàl, ma a n gh'è minga la sicurésa ch'la sia mòrta dabòṅ, anc s'al sò scarpi biànchi i s védan pini ad sangṿ.

Fat curióś

  • In dla pelìcula i s védan anc al mémbri dal grup ad fémni arvèrsi L7 sunàr la canta Gas Chamber e 'l bàmbuli Pee Wee.
  • In di tìtui ad tèsta a s lèś ch'al film al cònta na stòria véra ma a n è briśa véra, l'è na burla.

Culegamènt estéran