La sedia a rotelle
|
C'l artìcul chè 'l è scrit in
Miranduléś |
 Un meurtre est un meurtre
| ||
| La sedia a rotelle | ||
 La Stéphane Audran in na figùra dal film | ||
| La scrana a rudèli 1972 | ||
|---|---|---|
| Regìa: Étienne Périer | ||
| Scritōr: Dominique Fabre • Étienne Périer | ||
| Atōr: Jean-Claude Brialy • Stéphane Audran Catherine Spaak • Michel Creton • Jeanne Pérez Robert Hossein • Michel Serrault • Pippo Merisi | ||
| Müsica: Paul Misraki | ||
| Léngua: Francéś | ||
| Dürä dal film: 100 minüt | ||
| Nasiōṅ: Frància • Itàglia | ||
La sedia a rotelle (La scrana a rudèli) 'l è 'n film śal francéś e itagliàṅ dal 1972 'd Étienne Périer.
Claude Chabrol al tōś part a 'l film faghénd un camèo in dla part dal cuntrulōr di vagòṅ lèt.
Sunt
La rica Marie (Stéphane Audran) l'è spuśàda cun Paul Kastner (Jean-Claude Brialy) ma l'è custréta a vìvar su na scrana a rudèli da quànd tri an prima l'à fat 'n incidènt in màchina. Al matrimòni fra i dū al và dimóndi mâł anc parchè lò al s è fat l'amànta in Françoise (Catherine Spaak), una ch'la gh'à 'n negòsi 'd abiliamènt.
Na sira, méntar Paul 'l è via, a la Marie a gh sucéd na daśgràsia parchè la sò màchina, p'r un guàst a 'l frêṅ a maṅ o parchè al n éra minga stâ tirâ bèṅ, la partìs da par lē a la basa e la la mét sóta cupànd-la. Dòp al funeràł a s fà viva sò surèla Anne (Stéphane Audran) p'r al testamènt, na dóna cun di prubléma 'd tèsta. La Marie la gh lasa un pôc ad bèsi tut i méś ma la dmanda ch'la vaga a star da Paul che, da 'l cant suo, al s mét in bisàca tut al rèst a pat che lē la s sia mia mòrta masàda o sinò la vōl che la pulisìa la gh vaga a fónd parchè lò 'l à bèla tintâ ad far-la fóra in pasâ.
Soquànt dè dòp a sòna a 'l us un tisi ciamâ Jean Carouse (Robert Hossein) ch'al dmanda a Paul s'l è cuntènt 'd èsar véduv parchè sò mujér al 'l à cupàda lò e adès al vōl èsar ricumpinsâ p'r al servìsi ch'al gh'à fat. 'D atra part, s'a s tachìs a dascórar ad delìt, chi è'l pò quél ch'l andrév piò in a risć? Lò ch'al n la cgnusìva gnanc o sò marè ch'l à ciapâ un muć ad bèsi e adès 'l è lìbar ad mét'r-as cun la Françoise? Al cumisàri Plouvier (Michel Serrault) 'l à sarâ 'l caś dònca a n gh'è mia mutìṿ 'd alvàr dla pólvra par gnint. Paul però al n vōl minga pagàr.