La scala a chiocciola
|
C'l artìcul chè 'l è scrit in
Miranduléś |
 The Spiral Staircase | ||
| La scala a chiocciola | ||
 La Dorothy McGuire in na figùra dal film | ||
| La scala a lumàga 1945 | ||
|---|---|---|
| Regìa: Robert Siodmak | ||
| Scritōr: Ethel Lina White • Mel Dinelli | ||
| Atōr: Dorothy McGuire • George Brent • Kent Smith Ethel Barrymore • Rhonda Fleming • Gordon Oliver Sara Allgood • Elsa Lanchester • Rhys Williams | ||
| Müsica: Roy Webb | ||
| Léngua: Ingléś | ||
| Dürä dal film: 83 minüt | ||
| Nasiōṅ: Stat Unî | ||
La scala a chiocciola (La scala a lumàga) 'l è 'n film thriller ad scarésa dal 1945 girâ in biànc e négar ad Robert Siodmak trat da 'n rumànś dl'Ethel Lina White da 'l tìtul Some Must Watch (Qualchidòṅ al gh'à da védar).
Sunt
[mudéfica la surzéia]La śōvna Helen Capel (Dorothy McGuire), da quànd l'à vdû murìr in 'n inséndi i sò genitōr sénsa psēr-ag far-ag gnint, l'à patî un blòc psiculògic ch'al gh impidìs ad dascórar. Adès la tîṅ a drē, faghénd la badànta, a la sgnóra Warren (Ethel Barrymore), na vècia malàda 'd cōr che na vòlta la s pasàva 'l tèmp andànd a casa. Lì lē l'è la màdar dal prufesōr Albert (George Brent) e ad Steve (Gordon Oliver), òṅ ch'al cur sèmp'r adrē a cal dóni e ch'al gh'à anc abû al curàǵ ad purtàr via la muróśa a sò fradèl, la Blanche (Rhonda Fleming). Dl’Helen al s inamóra invéci al dutōr Parry (Kent Smith) ch'al la vrév spuśàr e ch'al cònta ad far-la guarìr purtànd-la da 'n quàlc luminàri ad Boston.
In cal méntar, in dla campàggna dal New England, un manìac al taca a far fóra dal dóni minga a pòst o cun di prubléma fìśic, dóni minga parfèti e armàśi uféśi, sòpi, insiminìdi o cun di siléf adòs. Soquànt tèmp prima a s éra anc catâ na dóna butàda śò in un pós. L’Helen la sà 'd ès'r in a risć anca lē parchè l'è muta ma la decìd 'd armàgnar lè listés anc s'la sgnóra Warren e al dutōr i gh'ìvan cunsiliâ piutòst 'd alvàr al téndi e in présia.
Quànd na sira la cata in cantìna al cadàvar dla Blanche la sà ch'la sò óra la pōl èsar lè davśèṅ.