La sanguinaria
|
C'l artìcul chè 'l è scrit in
Miranduléś |
 Deadly Is the Femalecgnusû anc cuma Gun Crazy | ||
| La sanguinaria | ||
 La Peggy Cummins in na figùra dal film | ||
| La sangvinària 1950 | ||
|---|---|---|
| Regìa: Joseph H. Lewis | ||
| Scritōr: MacKinlay Kantor Dalton Trumbo • Millard Kaufman | ||
| Atōr: Peggy Cummins • John Dall • Harry Lewis Berry Kroeger • Morris Carnovsky • Anabel Shaw Nedrick Young • Trevor Bardette • Virginia Farmer Stanley Prager • Robert Osterloh • Ross Elliott | ||
| Müsica: Victor Young | ||
| Léngua: Ingléś | ||
| Dürä dal film: 87 minüt | ||
| Nasiōṅ: Stat Unî | ||
La sanguinaria (La sangvinària) 'l è 'n film noir dal 1950 ad Joseph H. Lewis su na senegiadùra 'd MacKinlay Kantor e 'd Dalton Trumbo.
La pelìcula l'è stada sarnìda dal 1998 da 'l National Film Registry dla bibliutéca dal cungrès di Stat Unî p'r èsar tgnuda dacàt.
Sunt
[mudéfica la surzéia]Bart Tare (John Dall), èx militàr c'n un pasâ in rifurmatòri p'r avēr rubâ na pistòla da baghét, fiṅ da pìcul 'l è carsû cun la pasiòṅ par gl'armi da fōg anc s'al n gh l'à mai cavàda a druàr-li par masàr da quànd, śugànd, 'l iva cupâ 'n pulśèṅ. Dòp soquànt an al decìd ad turnàr in dal paéś in du 'l è nâ e in du a gh viṿ incóra sò surèla più granda, la Ruby (Anabel Shaw), ch'la gh tgniva adrē quànd 'l éra 'n putèṅ.
Na sira, insém a i sò amìg Dave Allister (Nedrick Young) e Clyde Boston (Harry Lewis), al decìd 'd andàr a véd'r un spetàcul in du a gh'è na ragàsa ciamàda Annie Laurie Starr (Peggy Cummins) ch'la fà di nùmar cun na pistòla. Fra i dū a nas subìt quèl e la dóna la decìd ad mulàr al sò cap inamurâ 'd lē, Packett (Berry Kroeger), par métar-'s insém a Bart e pò spuśàr-al.
Dòp al matrimòni però la dóni la taca a lamintàr-as cun sò marè parchè la s è stufàda dna vita 'd miśèria. A n sèrt punt la gh diś ch'la vōl tacàr a far dal rapìni insém a lò e che, se lò al s tirìs indrē, lē l'andrà via par sèmpar. Un pò malvluntéra, Bart al decìd ad star-ag.