La preda nuda
|
C'l artìcul chè 'l è scrit in
Miranduléś |
 The Naked Prey
| ||
| La preda nuda | ||
 Cornel Wilde in na figùra dal film | ||
| Casâ nûd 1965 | ||
|---|---|---|
| Regìa: Cornel Wilde | ||
| Scritōr: Clint Johnston • Don Peters | ||
| Atōr: Cornel Wilde • Gert van den Bergh • Ken Gampu Patrick Mynhardt • Bella Randles • Morrison Gampu | ||
| Müsica: Edwin Astley • Andrew Tracey • Cornel Wilde | ||
| Léngua: Ingléś • Afrikaans • Nguni | ||
| Dürä dal film: 129 minüt | ||
| Nasiōṅ: Stat Unî • Sud Àfrica | ||
La preda nuda (Casâ nûd) 'l è 'n film 'd asiòṅ americàṅ e sudafricàṅ dal 1965 ad Cornel Wilde ch'l è anc al prutagunìsta dla pelìcula.
I senegiadōr Clint Johnston e Don Peters i èṅ stâ numinâ, sénsa vìnsar, a i Prèmi Òscar dal 1967.
Sunt
'N óm biànc pîṅ ad bèsi e piutòst śburòṅ (Gert Van den Bergh) al decìd ad far un safàri in Àfrica par masàr soquànt elefànt par tiràr-ag via 'l avòri. Al tōś sèg na guìda biànca (Cornel Wilde), àtar dū jutànt e 'n grup ad purtadōr négar. Durànt al viàś i incróśan soquànt mémbar dna tribù salvàdga ch'i gh admàndan quèl in rigàl ma al ricàst'r al gh diś ad nò par prinsìpi.
Finìda la casa, mént'r i biànc i màgnan dascurénd a tavla, i rìv'n i salvàdag ch'i i ciàpan purtànd-i pò in dal sò vilàǵ. La guìda la véd murìr i sò cumpàgn òṅ dòp c'l àtar tgnénd adrē a qvél ch'a diś al cap dla tribù (Morrison Gampu) vòlta par vòlta. Òṅ al vîṅ cuśinâ viṿ cuma 'n ninét su 'l fōg, 'n àt'r al finìs insfilsâ cun dal lanci, al tèrs murśgâ par na bisa dòp èsar stâ ligâ cuma 'n salàm.
Al destîṅ dla guìda 'l è qvél 'd ès'r al prutagunìsta dna casa. Cavâ śò, sénsa armi e dascàlsa al gh'à da cùrar p'r i camp pruànd a scapàr via da i casadōr cmandâ da òṅ ch'al dà i órdan (Ken Gampu). In mèś a na natùra catìva ma anc dimóndi bèla, 'l óm biànc al gh'à da cumbàtar par scampàr.