La pistola maledetta

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Gun's Eye
La pistola maledetta
Pistola maledetta.png
Jerry Koch in na figùra dal film
La pistòla maladìda
1989
Regia: Jerry KochPaul I. Clear
Scritùr: Jerry Koch
Atùr: Jerry KochTeresa M. WingerterChris Knox
Scot HemingerBrigette BakerTrish Bradford Burk
Müsica: Jim Kellett
Lengua: Ingléś
Dürä dal film: 96 minüt
Nasiòṅ: Stat Unî


«
N'anma infernàla la la cuntròla, lì lē l'è la pistòla maladìda.»
(Tagline dal film)


La pistola maledetta (La pistòla maladìda) 'l è 'n film ad scarésa americàṅ dal 1989 ad Jerry Koch, ch'al 'l à anc scrit, prudót e recitâ, e ad Paul I. Clear. 'L è stâ girâ tut in dal stat dal Missouri.

In Itàglia 'l è cgnusû anc c'n al tìtul ad “Mutazione mortale” mént'r in Spaggna cuma “El ojo del revólver”.

Sunt

Vick Heil (Jerry Koch), durànt un gir in dal negòsi ad śavàj već ad Zack (James Kellett Sr.), un brut grintèṅ ch'al trata mâł tut i sò cliènt, al buta 'l òć su na vècia pistòla druàda da i naśìsta durànt la secónda guèra mundiàla, na “Luger 9 mm Parabellum”, e al decìd ad tōr-la dand in cambi 'n anèl parché la gh piàs dimóndi. Al dè dòp al partìs insém a la sò muróśa Michelle (Teresa M. Wingerter) e a i sò amìg Chris (Chris Knox), Larry (Scot Heminger), la Kelly (Brigette Baker) e la Laura (Trish Bradford Burk) par na vacànsa da pasàr in dla vila ch'i gh'aṅ i sò genitōr in dal Missouri in riva a 'n lâg. Rivâ in sal pòst la Laura la taca a gusàr cun Chris e a fà àtar tant la Kelly cun Larry méntar Vick al pasa 'l sò tèmp a sparàr a di bersàj e al n gh'à minga tèmp 'd andàr gnanc a far un gir in barca cun chi àtar. In dal tucàr la sò pistòla Vick al viṿ incóra i masamènt ch'i eṅ stâ fat in dal pasâ da i vèć pruprietàri e par lò al dvènta n'usesiòṅ tant ch'ad nòt al n s fà minga di prubléma a cupàr un gat négar ch'al ravanàva in dal rusc ad fóra.

I vśèṅ ad , sinténd di stus, i ciàman al sierìf (Mike McElhaney) ma lò al fà finta 'd gnint sèmpar da piò parśunēr dla vója ad cupàr. Al prim quèl ch'al decìd ad far 'l è qvél ad turnàr in dla butéga ad Zack par masàr-al, pò al partìs par la vila par far fóra tut i sò amìg. In dal méntar la pistòla la s mìsćia cun la carna dla sò maṅ dvintànd un quèl sōl.

Culegamènt estéran