La passione turca

Da Wikipedia.

C'l artìcul chè 'l è scrit in Miranduléś Emiliàn

La pasión turca
La passione turca

La Belén e Corraface in na figùra dal film
La pasiòṅ turca
1994
Regìa: Vicente Aranda
Scritōr: Vicente Aranda • Antonio Gala
Atōr: Ana BelénRamón MadaulaSilvya Munt
Georges CorrafaceHelio PedregalLoles León
Blanca ApilánezFrancis LorenzoLaura Mañá
Rasim ÖztekinGüzin ÖzipekPatrick Guillemin
Müsica: José Nieto
Léngua: Spagnōl
Dürä dal film: 113 minüt
Nasiōṅ: Spaggna


«
N'udisèa eròtica purtàda a 'l lìmit.»
(Tagline dal film)


La passione turca (La pasiòṅ turca) 'l è 'n film eròtic e dramàtic dal 1994 ad Vicente Aranda, trat da 'l rumànś umònim 'd Antonio Gala, ch'l à vins dū Prèmi Goya cun dódas candidadùri.

In Spaggna al gh'à abû dimóndi sucès ad pùblic cun da piò 'd un migliòṅ e dū ad spetadōr e dagnóra quàtar migliòṅ 'd euro purtâ a cà.

Sunt

La Desideria Oliván (Ana Belén) l'è na dóna ad trént'an ch'la stà a Àvila insém a sò marè Ramiro (Ramón Madaula), un bèl óm ma minga tant pasiunàł. Dòp sinc an ad matrimòni la còpia la n gh l'à minga cavàda incóra a 'vér di fiōi.

Durànt la fèsta ad cumpléan ad Ramiro, i dū i decìd'n ad partìr par na vacànsa in Turchìa insém a di sò amìg. Mént'r al grup al s cata a Ìstanbul, la dóna la cgnós Yaman (Georges Corraface), un śuvnòt ch'al gh fà da ciceròṅ e ch'l è bòṅ 'd impisàr al fōg ad dènt'r a la Desideria. Chi lē la taca a far 'l amōr sèg dapartùt parchè par la prima vòlta in dla sò vita l'à capî dabòṅ a gudér-'s al sès cum a s dév. Dū stmani dòp però al viàś al riva a la fiṅ e lē la gh'à da turnàr in Spaggna insém a sò marè. La gh vōl bèṅ incóra ma a lèt lò al gh fà vgnir al lat a i śnòć.

A cà la Desideria la n pōl far àtar che pinsàr a 'l sò amànt turc, specialmènt quànd la s rénd cònt 'd aspitàr un fiōl da lò parchè Ramiro al n è briśa bòṅ 'd avér-an. Quànd lē la gh cònta incòsa, lò prima al s rabìs ma pò al decìd listés ad far-ag da pàdar. Purtròp al putèṅ al scampa pôc e la Desideria, dòp al funeràł, la decìd ad partìr par la Turchìa p'r andàr a catàr al sò Yaman.

Culegamènt estéran